એક બાજુ વર્તમાન પરિસ્થિતિમાં રેલ્વે દ્વારા જીવન જરૂરિયાત ચીઝ વસ્તુઓનું વાહન કરવા માટે 6 લાખ વેગન મોકલવામાં આવ્યા છે ત્યારે સરકારના પરિવહન મંત્રાલયે શુક્રવારે દેશભરમાં લોકડાઉન દરમિયાન જરૂરી ચીજવસ્તુઓની હિલચાલ સંબંધિત સમસ્યાઓનો ઉકેલ લેવા દેશમાં ટ્રક ડ્રાઈવર ઓર્ગેનાઇઝેશન સાથે સમીક્ષા બેઠક યોજી હતી.
આ અઠવાડિયાની શરૂઆતમાં પરિવહન પ્રધાન નીતિન ગડકરીએ અધિકારીઓને ટ્રક ડ્રાઈવર એસોસિએશનો સુધી પહોંચવા જણાવ્યું હતું.ભારતમાં કોરોના વાયરસનો ફેલાવો અટકાવવા 25 માર્ચથી દેશવ્યાપી લોકડાઉન થઈ રહ્યું છે.
મીડિયા રિપોર્ટ્સ અનુસાર, પરિવહન મંત્રાલયના એક અધિકારીએ કહ્યું, “અમે ટ્રક ડ્રાઈવરોની સમસ્યાઓ સમજવા પણ ઉત્સુક છીએ. જેથી તેમને હલ કરીને તેમને વધુ સરળ બનાવવામાં આવે.”
બેઠકમાં, પરિવહન સંગઠનોએ માંગ કરી છે કે સરકારે કામ પર પાછા ફરવા માટે ડ્રાઇવરોમાં વિશ્વાસ વધારવામાં મદદ કરવી જોઈએ.દરમિયાન,ટ્રક એસોસિએશનોએ પણ માંગ કરી છે કે સરકાર કોરોના વાયરસથી પ્રભાવિત ડ્રાઇવરોને 25-50 લાખ રૂપિયાનો વીમો આપે.અમને સરકાર તરફથી સૈદ્ધાંતિક મંજૂરી મળી છે અને અમે તે અંગે જાહેરાતની અપેક્ષા રાખીએ છીએ.
