सातारा : येथील यशवंतराव मोहिते कृष्णा सहकारी साखर कारखान्याची २०२२-२३ या आर्थिक वर्षाच्या अधिमंडळाची ६७ वी वार्षिक सर्वसाधारण सभा मंगळवार, दि. १२ सप्टेबर २०२३ रोजी दुपारी एक वाजता कारखाना कार्यस्थळावर होणार आहे. कारखान्याचे अध्यक्ष डॉ. सुरेश भोसले यांच्या अध्यक्षतेखाली ही सभा होणार असल्याची माहिती कार्यकारी संचालक राम पाटील यांनी दिली. पाटील म्हणाले, सभेत विषयपत्रिकेवरील विषयांवर विचारविनिमय करण्यात येणार आहे. तसेच गेल्या हंगामातील प्रगतीचा आढावा मांडला जाणार आहे. सभेस येताना सभासदांनी प्रवेशपत्रिका, ओळखपत्र, स्मार्ट कार्ड आणणे आवश्यक आहे.
