નવી મુંબઈ:મહારાષ્ટ્રમાં કોરોનાના કેસ વધી રહ્યા છે અને જેના કારણે વધુ સાવચેતી રાખવામાં આવી રહી છે જેથી તે નિયંત્રણમાં સફળ થઈ શકે અને તેને વધારે ચેપ ન લાગે. આને કારણે વાશીમાં કૃષિ પેદાશ બજાર સમિતિ (એપીએમસી માર્કેટ)એ શનિવારથી બજારો બંધ રાખવાનો નિર્ણય કર્યો હતો.સમાચારો અનુસાર, એપીએમસી માર્કેટમાં એક વેપારીને કોરોના વાયરસ ટેસ્ટ પોઝિટિવ આવ્યા બાદ આ પ્રકારનો નિર્ણય કરવામાં આવ્યો છે.
એપીએમસીના સેક્રેટરી અનિલ ચવ્હાણે કહ્યું કે,“કોરોના વાયરસના વધતા જતા કેસોને લીધે ફળ,શાકભાજી, ડુંગળી અને બટાટા બજારો સાથે સંકળાયેલા સંગઠનોએ નવી મુંબઈમાં બંધની વિનંતી મોકલી હતી.ત્યારબાદ વહીવટીતંત્રે વેપારીઓમાં વધી રહેલા ભયને ધ્યાનમાં રાખીને આગામી આદેશ સુધી બજાર બંધ રાખવાનો નિર્ણય કર્યો હતો.ચેતવણી છતાં પણ લોકો બજારમાં ઉમટી રહ્યા છે.જોકે હવે ખરીદી વધુ વ્યવસ્થિત છે, દરેક જણ ડરથી જીવે છે.
મીડિયા સાથે વાત કરતા ડુંગળી અને બટાટા માર્કેટના સેક્રેટરી અશોક વાલુંગેએ કહ્યું કે,“ઘણા ગ્રાહકો ઝૂંપડપટ્ટી વિસ્તારના છે. માણખુર્દ,ગોવંડી,ચેમ્બુર,તિલક નગરમાં લોકો દરરોજ બજારોની મુલાકાત લે છે. ઝૂંપડપટ્ટીમાં વાયરસ જે રીતે ફેલાઈ રહ્યો છે,તેનાથીદર વ્યાપી ગયો છે તેથી અમે વહીવટ તંત્રને બજાર બંધ રાખવા વિનંતી કરી છે.”
દરમિયાન,ખેડૂતોને તેમના સ્ટોકને સીધા મુંબઇના મ્યુનિસિપલ કોર્પોરેશન (બીએમસી) દ્વારા નક્કી કરેલા મેદાનમાં મોકલવા કહેવામાં આવ્યું છે.
