कोईंबतूर : एक एप्रिलपासून नोंदणी सुरू झाल्यानंतर जिल्ह्यात केवळ ६ टक्के जमीनधारकांनी ग्रोव्हर ऑनलाइन रजिस्ट्रेशन ऑफ ॲग्रीकल्चर इनपुट सिस्टम (GRAINS) वर आपली नोंदणी केली आहे. जिल्ह्यातील शेतीकामांमध्ये कार्यरत साधारणतः ६,४६,८४० भू-धारक आहेत. यापैकी आतापर्यंत रेवळ ३८,६९० जणांनी ग्रेनवर नोंदणी केली आहे. सहकारी मदतीची गरज असलेल्या शेतकऱ्यांना एका ठिकाणी सर्व सुविधा देण्यासाठी बँक खात्यांचे विवरण भू-धारक आणि शेतकरी, जमीन आणि शेतीच्या आधार क्रमांकावर एकत्र केले जात आहे. आणि त्याच्या डिजिटलीकरणाची मोहीम राबवली जात आहे.
GRAINS पोर्टल शेतकऱ्यांना विविध सरकारी योजना, जसे पिक कर्ज, भात तसेच ऊसासाठी प्रोत्साहन, राज्य आपत्ती प्रतिक्रीया निधी यांअंतर्गत मदत निधी आणि १३ कृषी तसेच संबंधीत विभागांकडून लाभ मिळविण्यासाठी सक्षम बनविण्यासाठी तयार करण्यात आले आहे. अधिकाऱ्यांनी सांगितले की, GRAINS पोर्टल केवळ शेतकरी नव्हे तर सरकारी विभागांसाठीही उपयुक्त ठरेल. कृषी विभागाच्या एका अधिकाऱ्याने सांगितले की, मंगळवारी जिल्ह्यातील दुसऱ्या दौऱ्यात विशेष शिबिर आयोजित केले जाईल. शिबिरात सर्व गाव स्तरावरील प्रशासकीय अधिकारी कार्यालयास एकत्र येतील. जिल्हाधिकारी क्रांती कुमार यांनीही सर्व शेतकऱ्यांनी आपला तपशील ग्रामीण प्रशासकीय अधिकारी अथवा कृषी अधिकाऱ्यांना सोपवावा आणि त्यांची नोंदणी वेबसाइटवर केली जावी असे आवाहन केले आहे.
