म्हैसूर : ऊसाच्या जादा योग्य आणि लाभदायी दराच्या (FRP) मागणीसाठी गेल्या काही दिवसांपासून म्हैसूरमध्ये आंदोलन करणाऱ्या शेतकऱ्यांना म्हैसूरच्या उपायुक्तांनी (Mysuru Deputy Commissioner) ८ नोव्हेंबर रोजी एक बैठक बोलावण्याचे आश्वासन दिले आहे. त्यानंतर जिल्हाधिकाऱ्यांनी शेतकऱ्यांना आंदोलन मागे घेण्याचा आग्रह केला. मात्र, शेतकऱ्यांनी त्यास नकार दिला. जेव्हा मागण्या मान्य केल्या जातील, तेव्हाच आंदोलन थांबवले जाईल असे त्यांनी सांगितले. यावेळी शेतकऱ्यांनी सरकार विरोधात जोरदार घोषणाबाजी केली.
कर्नाटकमध्ये ऊस उत्पादक शेतकऱ्यांनी उत्पादन खर्चात २० टक्के वाढ झाल्याचा दावा करत जादा एफआरपीची मागणी केली आहे. शेतकऱ्यांनी साखर कारखानदारांशी झालेल्या द्विपक्षीय चर्चेच्या परिणामांच्या आधारावर सरकारकडून मंजूर झालेल्या प्रस्ताव तत्काळ लागू करण्याची मागणी केली आहे.
