હૈદરાબાદ: કેન્દ્રીય માર્ગ પરિવહન અને ધોરીમાર્ગ મંત્રી નીતિન ગડકરીએ કહ્યું કે પરિવહન મંત્રી તરીકે તેમનું સ્વપ્ન ઓટોમોબાઈલ ઉદ્યોગને ઈથેનોલ, મિથેનોલ, ગ્રીન હાઈડ્રોજન અને અન્ય બાયોફ્યુઅલ વિકલ્પો તરફ વૈવિધ્યીકરણ કરવાનું છે.
FICCI લેડીઝ ઓર્ગેનાઈઝેશન (FLO) દ્વારા આયોજિત એક કાર્યક્રમને સંબોધતા, તેમણે કહ્યું, “આજે સૌથી મહત્વની બાબત, હું તમને વિનંતી કરું છું કે તમે 50 વર્ષ આગળ વિચારો. હાલમાં અમારી પાસે પેટ્રોલ અને ડીઝલ કાર છે પણપરિવહન મંત્રી તરીકે, મારું સપનું છે કે ઓટોમોબાઈલ ઉદ્યોગને ઈથેનોલ, મિથેનોલ, બાયોડીઝલ, બાયો CNG અને ગ્રીન હાઈડ્રોજન તરફ વૈવિધ્યીકરણ કરવાનું છે. અમારું સ્વપ્ન વિશ્વમાં ગ્રીન હાઇડ્રોજનની નિકાસ કરવાનું છે, એમ તેમણે જણાવ્યું હતું.
, ભારતમાં પણ ફ્લેક્સ ફ્યુઅલ વાહનોને પ્રમોટ કરવામાં આવી રહ્યા છે અને ઘણી કંપનીઓ તેમાં પોતાનો રસ બતાવી રહી છે. તાજેતરમાં, ભારતની સૌથી મોટી કાર નિર્માતા કંપની મારુતિ સુઝુકીએ પણ કહ્યું છે કે તે એપ્રિલ 2023 સુધીમાં તેની સંપૂર્ણ લાઇનઅપ E20ને સુસંગત બનાવશે.
