ભારત બંધ 2022: કેન્દ્ર સરકારની નીતિઓના વિરોધમાં આજે અને આવતીકાલે બોલાવવામાં આવેલ ભારત બંધ હવે દેશના મોટાભાગના વિસ્તારોમાં સ્પષ્ટપણે જોવા મળી રહ્યો છે. આ બંધને ઓલ ઈન્ડિયા બેંક એમ્પ્લોઈઝ એસોસિએશનનું પણ સમર્થન મળી રહ્યું છે.
ભારત બંધને લગતી 10 બાબતો
કેન્દ્રીય ટ્રેડ યુનિયનોના સંયુક્ત મંચ દ્વારા દેશવ્યાપી હડતાળનું એલાન કરવામાં આવ્યું છે. આ હડતાલ મજૂરો, ખેડુતો અને લોકોને અસર કરતી સરકારી નીતિઓના વિરોધમાં કરવામાં આવી રહી છે.
પાંચમાંથી ચાર રાજ્યોમાં વિધાનસભા ચૂંટણીમાં ભાજપે જીત મેળવ્યા બાદ આ પ્રકારની પ્રથમ હડતાલ છે, જેમાં સરકારની નીતિઓનો વિરોધ કરવામાં આવી રહ્યો છે. 5 રાજ્યોની તાજેતરમાં પૂર્ણ થયેલ વિધાનસભાની ચૂંટણીમાં ભાજપે ચાર રાજ્યોમાં જંગી જીત મેળવીને પોતાની સરકાર બનાવી છે.
આ હડતાળમાં બેંક કર્મચારીઓ પણ ભાગ લઈ રહ્યા છે. બેંક યુનિયનો જાહેર ક્ષેત્રની બેંકોના ખાનગીકરણ માટેની સરકારની યોજના તેમજ બેંકિંગ કાયદા સુધારા બિલ 2021ના વિરોધમાં હડતાળમાં ભાગ લઈ રહ્યા છે. કર્મચારી ભવિષ્ય નિધિ સંગઠન પર ઓછા વ્યાજ દર, બળતણની વધતી કિંમત આ શટડાઉનના મુખ્ય કારણોમાંનું એક છે.
ભારત બંધની અસરને કારણે કેરળમાં રસ્તાઓ નિર્જન દેખાય છે. રસ્તાઓ પર માત્ર અમુક ખાનગી વાહનો જ જોવા મળે છે. કેરળ રાજ્ય માર્ગ પરિવહન નિગમ (KSRTC) એ બંધ દરમિયાન તેની સેવાઓ બંધ કરી દીધી છે.
કેરળમાં પોલીસ દ્વારા લોકોને રેલ્વે સ્ટેશન, હોસ્પિટલ વગેરે સ્થળોએ પહોંચવામાં મદદ કરવામાં આવી રહી છે. ભારત બંધ દરમિયાન ઇમરજન્સી સેવાઓને હડતાળથી દૂર રાખવામાં આવી છે. કેરળ હાઈકોર્ટે ભારત પેટ્રોલિયમ કોર્પોરેશન લિમિટેડ (BPCL)ના પાંચ યુનિયનોને હડતાળમાં ભાગ લેવા પર રોક લગાવી છે.
પશ્ચિમ બંગાળમાં, ભલે ટ્રેડ યુનિયનો શેરીઓમાં વિરોધ કરતા જોવા મળે છે, રાજ્ય સરકારે તમામ કચેરીઓ ખુલ્લી રાખવા અને કર્મચારીઓને ફરજ પર હાજર રહેવા જણાવ્યું છે.
ખાનગીકરણ નીતિઓના વિરોધમાં દેશભરના કામદારો દ્વારા બોલાવવામાં આવેલી બે દિવસીય રાષ્ટ્રવ્યાપી હડતાળ પર CPI સાંસદ બિનોય વિશ્વમે રાજ્યસભામાં નિયમ 267 હેઠળ સસ્પેન્શન નોટિસ આપી છે.
ભારતીય મજદૂર સંઘ (BMS) સિવાય લગભગ તમામ ટ્રેડ યુનિયનો હડતાળમાં ભાગ લઈ રહ્યા છે. સંસદમાં, CPI(M)ના સાંસદ બિકાશરંજન ભટ્ટાચાર્યએ બે દિવસીય રાષ્ટ્રવ્યાપી હડતાળને મુદ્દા પર ચર્ચા કરવા માટે નિયમ 267 હેઠળ રાજ્યસભામાં કામકાજ સ્થગિત કરવા માટે પ્રસ્તાવ રજૂ કર્યો છે.
ભારત બંધને અખિલ ભારતીય અસંગઠિત કામદારો અને કર્મચારી કોંગ્રેસનું સમર્થન મળ્યું છે. કોંગ્રેસ તરફથી કહેવામાં આવ્યું છે કે રાહુલ ગાંધી બંધમાં સામેલ વર્ગોની માંગણીઓના પક્ષમાં બોલી રહ્યા છે.
બંગાળ સરકારે 28 અને 29 માર્ચના રોજ કોઈપણ કર્મચારીને કેઝ્યુઅલ રજા અથવા અડધા દિવસની રજા પર સ્પષ્ટપણે મનાઈ ફરમાવી છે. સરકારે કહ્યું કે જો કોઈ કર્મચારી રજા લેશે તો તેને આદેશનું ઉલ્લંઘન માનવામાં આવશે અને તેની અસર તેના પગાર પર પણ પડશે.
