पाटणा : इथेनॉल उत्पादनाला प्रोत्साहन देण्यासाठी देशातील अनेक राज्यांनी पावले उचलली आहेत. आणि या श्रृंखलेमध्ये आता बिहारचे नावही समाविष्ट झाले आहे.
दि इंडियन एक्स्प्रेसमध्ये प्रकाशित झालेल्या वृत्तानुसार, बिहार राज्य गुंतवणूक संवर्धन बोर्डासमोर (एसआयपीबी) इथेनॉल युनिटची स्थापनेसाठी आलेल्या प्रस्तावांचे एकत्रित मूल्य एकूण प्रस्तावित गुंतवणूक रकमेच्या जवळपास निम्मे आहे. १० नोव्हेंबरपर्यंत ६३,००८ कोटी रुपयांचे गुंतवणूक प्रस्ताव मिळाले आहेत, यापैकी एकूण ३०,७४७ कोटी रुपयांचे प्रस्ताव १६४ इथेनॉल युनिटच्या स्थापनेसाठी आहेत.
राज्यातील पहिल्या इथेनॉल युनिट पुर्णियामध्ये या एप्रिलपासून सुरू झाले आहे. ईस्टर्न इंडिया बायोफ्युएल प्रायव्हेट लिमिटेडद्वारे १०५ कोटी रुपयांचा प्लांट स्थापन करण्यात आला आहे.
केंद्र सरकारने पेट्रोलमध्ये इथेनॉल मिश्रणाचे प्रमाण १० ते २० टक्क्यांपर्यंत वाढविल्याने बिहारमध्ये अशा युनिटच्या गुंतवणुकीचे दरवाजे उघडले आहेत. त्यातून येथे ३८ जिल्ह्यांमध्ये १७ जिल्ह्यांमध्ये इथेनॉल उत्पादनासाठी वापरल्या जाणाऱ्या मक्क्याचे उत्पादन केले जाते.
