इथेनॉल उत्पादनाला प्रोत्साहन : इंडिया ग्लायकोल्स लिमिटेडने क्षमता २०० केएलपीडीने वाढवली

लखनौ : केंद्र सरकारच्या इथेनॉल मिश्रणाचे उद्दिष्ट साध्य करण्याच्या उद्देशाने इथेनॉल उत्पादक इथेनॉल उत्पादन क्षमता वाढवत आहेत. या प्रयत्नांमुळे देशात जैवइंधन उत्पादनाला चालना मिळत आहे. उत्तर प्रदेश ने ही इथेनॉल उत्पादनात आघाडी घेतली आहे. इंडिया ग्लायकोल्स लिमिटेडने (India Glycols Limited) उत्तर प्रदेशातील गोरखपूर येथे धान्यावर आधारित डिस्टिलरीसाठी जैवइंधन इथेनॉल क्षमता (इथेनॉल ते जैवइंधन रूपांतरण) यासह २०० केएलपीडीची अतिरिक्त क्षमता जोडली आहे. गोरखपूरमध्ये धान्यावर आधारित डिस्टिलरी आणि जैवइंधन इथेनॉल प्लांटची एकूण वाढीव क्षमता आता ३१० केएलपीडी आहे आणि ती कार्यान्वित झाली आहे.

भारतात इथेनॉल उत्पादनासाठी धान्य हे एक प्रमुख कच्चा माल म्हणून उदयास आले आहे. जैवइंधन उत्पादनात त्याचा वाटा वाढण्याची शक्यता आहे. चालू इथेनॉल पुरवठा वर्ष (इएसवाय) २०२४-२५ मध्ये धान्यांपासून इथेनॉल उत्पादनाचा वाटा ६० टक्यांपेक्षा जास्त असण्याची अपेक्षा आहे. भारत २० टक्के इथेनॉल मिश्रणाच्या उद्दिष्टाच्या जवळ पोहोचत असताना, इथेनॉल मिश्रण कार्यक्रमात लक्षणीय प्रगती होत आहे. चालू इएसवाय २०२४-२५ मध्ये, फेब्रुवारीमध्ये पेट्रोलमध्ये इथेनॉल मिश्रण १९.७ टक्क्यांवर पोहोचले, तर नोव्हेंबर २०२४ ते फेब्रुवारी २०२५ पर्यंत एकत्रित सरासरी इथेनॉल मिश्रण १८ टक्के होते.

LEAVE A REPLY

Please enter your comment!
Please enter your name here