साओ पाउलो : ब्राझील सरकारने ऊस उत्पादनात घट होण्याची शक्यता वर्तवली आहे. प्रतिकूल हवामानामुळे २०११ नंतर सर्वात कमी ऊस उत्पादन होईल असे अनुमान आहे. सरकारच्या म्हणण्यानुसार, शेतकरी ऊसाऐवजी सोयाबीन, मक्का अशा इतर नगदी पिकांकडे वळत असल्याचे दिसून येत आहे. सरकारी एजन्सी Conab ने २०२२-२३ या हंगामासाठीच्या आपल्या दुसऱ्या अहवालात म्हटले आहे की, आता उसाचे मुख्य केंद्र असलेल्या दक्षिण-मध्य विभागात केवळ ५१४ मिलियन टन ऊस उत्पादन होण्याची अपेक्षा आहे. एप्रिल महिन्यात हे ऊस उत्पादन ५३९ मिलियन होईल असे अनुमान वर्तविण्यात आले होते.
ही आकडेवारी २०२१-२२ पिकापेक्षा (५२५ मिलियन टन) कमी आहे आणि २०११ मध्ये मध्य-दक्षिण कारखान्यांतील ऊसाच्या ४९३ मिलियन टनापेक्षाही कमी आहे. हे अनुमान आश्चर्यकारक असल्याचे म्हटले जात आहे. कारण, अधिक विश्लेषकांकडून अद्याप ब्राझीलच्या मध्य-दक्षिण विभागाकडून जवळपास ५४५ ते ५६० मिलियन टनापर्यंत उत्पादन होण्याची शक्यता आहे. ब्रोकर स्टोनएक्सने जुलै महिन्यात मध्य-दक्षिण विभागात ऊस पिक ५५७.५ मिलियन टन उत्पादन होईल असे अनुमान व्यक्त केले होते. ऊसाची गतीने तोडणी होईल. मध्य-दक्षिण विभागातील साखर उत्पादन सरकारचा अंदाज ३०.७ मिलियन टन आहे. मात्र हे उत्पादन गेल्यावर्षीच्या ३२ मिलियन टनापेक्षा कमी असेल.
Conab ने म्हटले आहे की, ऊस उत्पादनातील घसरणीसाठी दुष्काळ, लागण क्षेत्रातील घट ही कारणे आहेत. मुख्य साखर उत्पादक राज्यात शेतकऱ्यांनी मक्का तसेच सोयाबीन आणि इतर पिकांकडे आपला मोर्चा वळवला आहे.
