लंडन : ब्रिटिश एअरवेजचे ओनर IAG ने अमेरिकेतील उत्पादकाकडून शाश्वत विमान इंधन (SAF) खरेदी करण्यासाठी आतापर्यंतचा सर्वात मोठा करार केल्याचे जाहीर केले आहे. या चौदा वर्षांच्या करारांतर्गत, कॅलिफोर्निया-आधारित ट्वेल्व त्यांच्या पाच युरोपियन एअरलाइन्सला इंधन पुरवठा करणार आहे. त्यात ब्रिटिश एअरवेज , आयबेरिया, एर लिंगस, व्ह्यूलिंग आणि लेव्हलला समर्थन देण्यासाठी IAG ला 785,000 टन e-SAF पुरवठा करेल. IAG ने 2030 पर्यंत 10 टक्के SAF वापरासाठी वचनबद्ध असल्याचे जाहीर केले आहे. कंपनी ने सांगितले की, हा करार SAF चा आवश्यक पुरवठा सुरक्षित करण्याच्या त्याच्या उद्दिष्टाचा एक भाग आहे.
e-SAF पुरवठा 2025 पासून सुरू होईल. हा करार युरोपियन एअरलाईनने जाहीर केलेला पहिला e-SAF पुरवठा करार आहे आणि याचा अर्थ IAG ने आता 2023 मध्ये जगातील जवळपास 12 टक्के पुरवठ्याची खरेदी केली आहे. IAG च्या वार्षिक निकालांपूर्वी या कराराची घोषणा करण्यात आली आहे. कंपनीळा यावर्षी विक्रमी नफा होण्याची साक्य्ता आहे. IAG चे CEO लुईस गॅलेगो म्हणाले कि, आम्ही 2050 पर्यंत निव्वळ शून्य गाठण्यासाठी रोडमॅप तयार आहे, ज्यामध्ये 2030 पर्यंत 10 टक्के शाश्वत विमान इंधनासह उड्डाण करण्याचे उद्दिष्ट समाविष्ट आहे.
ते म्हणाले, जागतिक स्तरावर शाश्वत इंधनाचा तुटवडा ही आमच्या उद्योगासाठी एक समस्या आहे, तथापि Twelve सारख्या नाविन्यपूर्ण कंपन्या या उपायाचा एक महत्त्वाचा भाग आहेत. हा नवीन करार आमच्या 2030 SAF लक्ष्यात योगदान देईल. आम्हाला युरोपमध्ये अशाच प्रकारचे प्रकल्प वाढलेले पहायचे आहेत आणि नोकऱ्या, आर्थिक वृद्धी आणि SAF चा स्थिर पुरवठा करण्यासाठी SAF उद्योग उभारण्यासाठी आमच्या प्रमुख बाजारपेठेतील सरकारांसोबत काम करण्यासाठी आम्ही उत्सुक आहोत.ट्वेल्वचे सह-संस्थापक आणि सीईओ निकोलस फ्लँडर्स म्हणाले, आमच्या e-SAF सह शाश्वत विमान वाहतूक पुढे नेण्यासाठी या ऐतिहासिक करारावर IAG सोबत भागीदारी केल्याचा आम्हाला अभिमान आहे.
