નવી દિલ્હી: કેન્દ્ર સરકારે તેની ઇથેનોલ વ્યાજ સબવેન્શન સ્કીમ હેઠળ નવ વધુ ઇથેનોલ પ્રોજેક્ટ્સને સૈદ્ધાંતિક મંજૂરી આપી છે. આ પ્રોજેક્ટ્સમાં આશરે 35 કરોડ લિટરની વધારાની ક્ષમતા ઉમેરવાની અપેક્ષા છે
પ્રોજેક્ટ પૈકી પાંચ પ્રોજેક્ટ અનાજ આધારિત છે અને ત્રણ પ્રોજેક્ટ મોલાસીસ આધારિત છે અને એક પ્રોજેક્ટ ડ્યુઅલ ફીડસ્ટોક આધારિત છે. આ પ્રોજેક્ટ્સમાં આશરે રૂ. 1,034 કરોડનું રોકાણ લાવવાની ક્ષમતા છે અને તે સંબંધિત સ્થળોએ રોજગારીની સેંકડો તકો ઊભી કરશે.
22 એપ્રિલ, 2022 થી ઇથેનોલ વ્યાજ સબવેન્શન સ્કીમની નવી વિન્ડો હેઠળ, આશરે 1,481 કરોડ લિટરની અંદાજિત ક્ષમતાવાળા 299 પ્રોજેક્ટ્સને સૈદ્ધાંતિક મંજૂરી આપવામાં આવી છે.
