मनिला : कोका-कोला फाउंडेशन फिलिपाइन्स और फिलिपाइन्स शुगर रिसर्च इन्स्टिट्यूट फाउंडेशनने (PHILSURIN) छोट्या ऊस शेतांमधील उत्पादकतेमध्ये वाढ करण्यासाठी आणि नीग्रोसमध्ये ऊस उत्पादक शेतकऱ्यांच्या उत्पन्न वाढीमध्ये मदत करण्यासाठी एक सामंजस्य करार केला आहे. या भागिदारीत उच्च उत्पादन देणाऱ्या प्रजाती, रोगमुक्त रोपण साहित्याचे संशोधन आणि विकासाला पाठबळ दिले जाईल. २०१८ पासून कोका-कोला फाउंडेशन (फिलिपाइन्स) फिलसुरिनसोबत भागिदारीत काम करत आहे. साखर उद्योगाच्या विकासाला प्रोत्साहन देण्याचा उद्देश यामध्ये आहे. कोका-कोला फाउंडेशन फिलिपाइन्सद्वारे २०१८ मध्ये आपल्या अडॉप्ट-ए-सीड प्रोजेक्ट अंतर्गत छोट्या ऊस शेतांमधील उत्पादकता, गुणवत्ता वाढीसाठी प्रयत्न केले जात आहेत. यातून छोट्या उसाच्या शेतांमध्ये उत्पादन ५० ते ६० टक्क्यांपर्यंत वाढले आहे. आणि परिणामी शेतकऱ्यांच्या उत्पन्नात वाढ झाली आहे.
नव्या सामंजस्य कराराचा उद्देश पूर्ण करताना फिलसुरीन उसाच्या उच्च प्रजातींसाठी १० हेक्टरमध्ये बियाणे फार्म स्थापन करेल. यामधून संकरीत बियाणे आणि पक्वता शेड, ज्यामधून अधिक उच्च गुणवत्तेच्या ऊस बियाण्याच्या उत्पादनात वाढ केली जाईल. छोट्या शेतकऱ्यांना स्वच्छ आणि शुद्ध रोपण साहित्याचा लाभ मिळविण्यासही मदत होईल. हवामान बदल आणि वाणिज्य क्षेत्रांमधील जमीन रुपांतरणात वाढीमुळे ऊस शेतीचे आकारमान घटत आहे. त्यामुळे लोकांना उत्पादकता वाढवणे आणि टिकवण्यासाठी उच्च उत्पादन देणाऱ्या बियाण्यांचा फायदा होईल.
फिलसुरिनचे महासंचालक मारिया रेजिना बी. मार्टिन यांनी सांगितले की, चांगल्या बियाण्यामुळे चांगल्या पिकाची सुरुवात होते. आमचे म्हणणे आहे की, गेल्या काही वर्षांच्या तुलनेत ऊस लागवड क्षेत्रासाठीची जमीन कमी झाली असली तरी आम्ही जेव्हा चांगल्या गुणवत्तेच्या उसाचे बियाणे लावू आणि चांगली कृषी पद्धती, योग्य प्रशिक्षणाच्या माध्यमातून वापरू, तेव्हा उत्पादकतेमध्ये वाढ केली जाऊ शकते.
