सोलापूर : दामाजी सहकारी साखर कारखान्याने उपप्रकल्प नसताना पारदर्शी व काटकसरीने
कारभार केला आहे. भविष्यात सभासदांना जास्त दर देण्याच्या दृष्टीने १०० केएलपीडी क्षमतेचा, १०० कोटींचा डिस्टलरी प्रकल्प उभा केला जाईल, असे प्रतिपादन चेअरमन शिवानंद पाटील यांनी केले. श्री संत दामाजी सहकारी साखर कारखान्याची वार्षिक सर्वसाधारण सभा कारखान्याचे चेअरमन शिवानंद पाटील यांच्या अध्यक्षतेखाली कारखाना कार्यस्थळावर झाली. त्यावेळी ते बोलत होते.
पाटील म्हणाले की, दामाजी साखर कारखाना ऊस दराबाबत इतर कारखान्याच्या पुढे असेल. भविष्यात उपपदार्थ निर्मितीसाठी प्रयत्न केले जातील. सभासदांचा विमा उतरवला जाणार असल्याची माहितीही त्यांनी दिली. प्रभारी कार्यकारी संचालक रमेश जायभाय यांनी अहवाल वाचन केले. व्हा. चेअरमन तानाजी खरात, प्रा. शिवाजीराव काळुंगे, अॅड. नंदकुमार पवार, शहा बँकेचे चेअरमन राहुल शहा, बाजार समितीचे माजी चेअरमन विष्णुपंत आवताडे, चेअरमन सिद्धेश्वर आवताडे, यादप्पा माळी, रामचंद्र वाकडे, मारुती वाकडे शिवाजीराव पवार, रामेश्वर मासाळ, भारत पाटील, किसन सावजी आदी उपस्थित होते.
