कोल्हापूर : महाराष्ट्र शासन प्रादेशिक परिवहन विभागामार्फत सुरू असलेल्या रस्ता सुरक्षा अभियानांतर्गत ऊस वाहतूक करणाऱ्या वाहनांना रिप्लेक्टरचे कापड लावून रस्ते सुरक्षा सप्ताह साजरा करण्यात आला. या उपक्रमांतर्गत पन्हाळा तालुक्यातील आसुर्ले-पोर्ले येथील श्री दत्त दालमिया साखर कारखाना कारखान्याच्या ऊस तळावरील उसाने भरलेल्या वाहनांना रिफ्लेक्टरचे कापड लावण्यात आले.प्रादेशिक परिवहन कार्यालयाकडून वाहनधारकांना रिप्लेकटरचे कापड वाटप करण्यात आले. यावेळी कारखान्याचे अधिकारी, प्रादेशिक परिवहनचे अधिकारी ऋतुजा देसाई, संदीप गोसावी, सुहास गडकरी, गुडाळे, संग्राम पाटील आदी उपस्थित होते.
