कोल्हापूर : दत्त दालमिया साखर कारखाना आसुर्ले-पोर्ले (ता. पन्हाळा) यांच्यामार्फत ऊसतोड मजुरांच्या मुलांसाठी उमेद फाऊंडेशनने सुरू केलेल्या ‘उमेद डे केअर’ सेंटरचे उद्घाटन युनिट हेड एस. रंगाप्रसाद यांच्या हस्ते करण्यात आले. आसुर्ले येथील कारखान्याच्या माळावर ऊसतोड मजुरांचा गाडी आड्डा आहे. येथील २० मुले शिक्षण घेत आहेत. युनिट हेड एस. रंगाप्रसाद यांच्या हस्ते कारखान्याच्या वतीने मुलांना स्कूल बॅग आणि शैक्षणिक साहित्य वाटप करण्यात आले. यावेळी श्रीधर गोसावी, सुहास गुडाळे, संग्राम पाटील, शिवप्रसाद देसाई, नीलेश पाटील, नितीन कूरळुपे, रामचंद्र घराळ उपस्थित होते.
