काहिरा : केनल शुगर कंपनीने (Canal Sugar Company) आपल्या सर्वात मोठ्या साखर उत्पादन प्लांटची सुरुवात केली आहे. या प्लांटमध्ये जवळपास ४०० मिलियन डॉलरची गुंतवणूक करण्यात आली आहे. या प्लांटची पहिली आणि दुसरी लाइन्स प्रती दिन १८,००० टन साखर उत्पादन क्षमतेने सुरू करण्यात आली आहे. इजिप्तला साखरेत १०० टक्के स्वावलंबी करण्यासाठी हा प्लांट योगदान देईल. केनल कंपनीकडे जगातील सर्वात मोठी बीटपासून साखर उत्पादन कारखाना आहे, यामध्ये १ बिलियन डॉलरची गुंतवणूक करण्यात आली आहे. यामध्ये ९,००,००० टनाहून अधिक उत्पादन क्षमता आहे. यातून इजिप्तची साखर उत्पादन आणि खप यातील ७५ टक्के अंतर कमी करण्यास मदत मिळेल. उत्पादन आणि खप यातील तफावत १.१ मिलियन टनाची आहे.
हा प्लांट वार्षिक ९०० मिलियन डॉलरची साखर आयात कमी करण्यास आणि १२० मिलियन टनापर्यंत उप उत्पादनांच्या निर्यातीला मदत करेल. येथे प्रक्रियाकृत साखरेचेही उत्पाद केले जाईल. कंपनीच्या योजनेचे उद्दीष्ट वार्षिक २,१६,००० टन बिटचा पल्प आणि २,४३,००० टन मोलॅसीसचे उत्पादन करणे हे आहे. हे घटक परदेशात निर्यात केले जातात. या योजनेला १९५२ नंतर इजिप्तमधील सर्वात मोठी कृषी आणि औद्योगिक योजना म्हणून स्थान दिले जाते. यामध्ये वाळवंटाच्या एका बड्या क्षेत्राचे पुनर्वसन करण्यात आले.
