સાઉથ પાઉલો: યુક્રેનમાં યુદ્ધને કારણે ઉદભવેલી ઉર્જા સંકટનો સામનો કરવા યુરોપ સસ્તું બ્રાઝિલિયન ઇથેનોલ ખરીદી રહ્યું છે, જેના કારણે આયાતમાં ત્રણ ગણો વધારો થયો છે. બ્લૂમબર્ગમાં પ્રકાશિત સમાચાર અનુસાર યુરોપમાં કુદરતી ગેસ અને વીજળીની કિંમત એટલી ઉંચી છે. કેટલાક ઇથેનોલ ઉત્પાદકોએ.પ્લાન્ટ બંધ કરવાની વિચારી રહ્યા છે. બ્રાઝિલ વધુ આર્થિક વિકલ્પ સાથે આવ્યું છે અને યુરોપે બ્રાઝિલિયન ઇથેનોલની આયાતમાં વધારો કર્યો છે. સપ્ટેમ્બરના મધ્યથી યુરોપમાં બ્રાઝિલની ઇથેનોલની નિકાસ અગાઉના વર્ષની સરખામણીમાં ત્રણ ગણી વધી છે. ઉલ્લેખનીય છે કે, બ્રાઝિલમાં બાયોફ્યુઅલના ભાવમાં ઘટાડાને પગલે જુલાઈમાં નીતિમાં ફેરફાર થયા બાદ ખરીદી શરૂ થઈ હતી.
યુરોપમાંથી વધતી માંગ બ્રાઝિલની કંપનીઓને વૈકલ્પિક પ્રકારના ઇથેનોલ નું ઉત્પાદન જાળવી રાખવા પ્રોત્સાહિત કરી રહી છે. જ્યારે બ્રાઝિલનું મોટા ભાગનું ઉત્પાદન શેરડીના રસમાંથી આવે છે, ત્યારે શેરડીના પીલાણ પછી બચેલા ફાઇબર માંથી પણ ઇથેનોલ બનાવી શકાય છે. આ પ્રકારના ઇથેનોલમાં કાર્બન ઉત્સર્જન ઓછું હોય છે અને તે ખોરાકના ઉત્પાદન સાથે સ્પર્ધા કરતું નથી.
