सुवा : फिजी आपला साखर उद्योगाचा अनुभव आणि सफलतेचे अनुकरण करण्यास उत्सुक आहे, असे साखर उद्योग मंत्री चरणजीत सिंह यांनी मॉरिशसच्या राष्ट्रपतींना सांगितले. मंत्री सिंह म्हणाले की, फिजीला खास करुन सह वीज उत्पादन (पॉवर को-जनरेशन), इथेनॉल उत्पादन आणि रिफाईंड साखर या उत्पादन क्षेत्रात अधिक रस आहे. ते म्हणाले की, फिजीमध्ये साखर उद्योगावर अनेक मुद्यांनी प्रभाव टाकला आहे. यामध्ये हवामान बदल, कामगारांचा तुटवडा, उत्पादक शेतकऱ्यांचे वाढते वय आणि युवकांचा ऊस शेतीकडे कमी झालेला ओढा या प्रमुख गोष्टींचा समावेश आहे.
मॉरिशसच्या राष्ट्पतींनी विभागात हवामान बदलाच्या परिणामांची जाणिव करून देणाऱ्या फिजीच्या नेतृत्वाचे कौतुक केले. ते म्हणाले की, फिजी आणि मॉरिशसला कार्जन उत्सर्जन आणि मोठ्या उत्सर्जकांपासून लढण्यासाठी इतर विकासशील राज्यांसोबत एकत्र काम करण्याची गरज आहे. सिंह हे ५ ते ९ जून या कालावधीत आयोजित करण्यात आलेल्या ६२ व्या आंतरराष्ट्रीय साखर संघटनेची कार्यशाळा आणि परिषदेत सहभागी होण्यासाठी इस्वातिनीमार्गे मॉरीशसच्या दौऱ्यावर आहेत.
