अक्रा : कोमेंडा साखर कारखाना पुनरुज्जीवित करण्याच्या वचनबद्धतेचा व्यापार, कृषी व्यवसाय आणि उद्योग मंत्री एलिझाबेथ ओफोसु-अडेजारे यांनी पुनरुच्चार केला. संसदेच्या नियुक्ती समितीसमोर त्यांनी दिलेल्या तपासणीवेळी कारखान्यातील सध्याची निष्क्रियता अधोरेखित केली. यामध्ये कच्च्या मालाची कमतरता, कारखान्याचे उपलब्ध नसलेले सुटे भाग आणि न सुटलेली व्यवस्थापनातील आव्हाने यांसारख्या समस्यांचा समावेश होता.
एलिझाबेथ ओफोसु-अडेजारे म्हणाल्याकी, मला सांगण्यात आले आहे की कोमेंडा साखर कारखाना चालू नाही. कारखान्यासमोरील सर्वात मोठे आव्हान म्हणजे कच्च्या मालाची कमतरता, कारखान्याील साहित्याचे काही भाग गहाळ आहेत. हा साखर कारखाना घानाचे साखर आयातीवरील अवलंबित्व कमी करणे आणि रोजगाराच्या संधी निर्माण करणे यासाठी ओळखला जात होता. तथापि, २०१६ मध्ये कार्यान्वित झाल्यापासून, कारखान्याला कामकाजाबाबत आव्हानांचा सामना करावा लागला आहे. तो अधूनमधून बंद करावा लागला आहे.
घानामध्ये दरवर्षी सुमारे ५०० दशलक्ष डॉलर किमतीची साखर आयात केली जाते, असे एलिझाबेथ ओफोसू-अडेजारे यांनी सांगितले. आपण देशात सुमारे अर्धा अब्ज डॉलर्स किमतीची साखर आयात करतो. त्यामुळे घानातील रहिवाशांसाठी त्या कारखान्याची आवश्यकता आहे हे स्पष्ट आहे. कारखान्यातील आव्हानांना तोंड देण्यासाठी यापूर्वी निधी वाटप करण्यात आला होता. तरीही सध्याची सुविधांची स्थिती अस्पष्ट आहे. पदभार स्वीकारणाऱ्या मंत्र्यांनी कारखाना पूर्णपणे कार्यरत राहावा यासाठी संबंधित भागधारकांना सहकार्य करण्याचे आश्वासन दिले. मी कारखान्याच्या स्थितीचे मूल्यांकन करण्यासाठी आणि घानाला या ऐतिहासिक प्रकल्पाचा फायदा मिळावा, यासाठी मंत्रालयासोबत काम करेन, असे त्या म्हणाल्या.
