દેશના ખેડૂતો માટે બહુ જલ્દી મોટી જાહેરાત થઈ શકે છે. પ્રધાનમંત્રી કિસાન સન્માન નિધિ યોજના હેઠળ કેન્દ્ર સરકાર પ્રતિ ખેડૂત 6000 રૂપિયાની વાર્ષિક રકમ વધારી શકે છે. પીએમ કિસાન સન્માન નિધિ હેઠળ, ખેડૂત પરિવારોને મળતી 6000 રૂપિયાની રકમમાં લગભગ 50%નો વધારો થઈ શકે છે, એટલે કે 2000 રૂપિયાથી લઈને 30000 રૂપિયા સુધીની વધારાની નાણાકીય સહાય તેમાં સામેલ કરી શકાય છે.
ગ્રામીણ લોકોની આવકમાં થતા ઘટાડાને રોકવા માટે કેન્દ્ર સરકાર વધુ એક પગલું ભરવાનું પણ વિચારી રહી છે, જેમાં લઘુત્તમ ટેકાના ભાવ એટલે કે MSP હેઠળ ખેડૂતો પાસેથી ખરીદી વધારવા પર વિચાર કરવામાં આવી રહ્યો છે.
એક વરિષ્ઠ અધિકારીએ ‘ફાઈનાન્શિયલ એક્સપ્રેસ’ વેબસાઈટને જણાવ્યું કે આ પ્રસ્તાવ વડાપ્રધાન કાર્યાલયને સબમિટ કરવામાં આવ્યો છે. જો આ દરખાસ્ત મંજૂર થાય છે, તો સરકારને દર વર્ષે વધારાના 20,000-30,000 કરોડ રૂપિયા ખર્ચવા પડશે એવો દાવો અધિકારીએ કર્યો છે. તે ક્યારે અમલમાં આવશે તે હજુ નક્કી થયું નથી, પરંતુ ચાર રાજ્યોમાં આગામી વિધાનસભાની ચૂંટણી પહેલા નિર્ણય લેવામાં આવશે તેવી ધારણા છે. વર્ષના અંત સુધીમાં તેલંગાણા, મધ્યપ્રદેશ, રાજસ્થાન અને મધ્યપ્રદેશમાં વિધાનસભાની ચૂંટણીઓ પૂર્ણ થઈ જશે.
રાજસ્થાન અને છત્તીસગઢમાં, કુલ રાજ્ય સ્થાનિક ઉત્પાદન (GDP)માં કૃષિનો હિસ્સો લગભગ 27% છે, મધ્ય પ્રદેશમાં 40% છે. આ રાજ્યોમાં નવેમ્બર અથવા ડિસેમ્બર સુધીમાં ચૂંટણી યોજાશે અને જો કેન્દ્ર સરકાર PM કિસાન યોજનાની સહાયની રકમ વધારશે તો તેની અસર આ રાજ્યોની કૃષિ વસ્તી પર પડી શકે છે, આ અસર ચૂંટણી પરિણામોમાં જોવા મળી શકે છે.
ફેબ્રુઆરી 2019 થી શરૂ કરીને, પીએમ કિસાન યોજનાએ ખેડૂત પરિવારોને નાણાકીય સહાયના રૂપમાં નાણાં ટ્રાન્સફર કરવાનું શરૂ કર્યું. આના દ્વારા 85 મિલિયન (અથવા 80.5 કરોડ) થી વધુ પરિવારોને આર્થિક સહાય મળે છે. રોગચાળા દરમિયાન, ઘણા પરિવારોએ યોજનાનો લાભ લીધો હતો
