સંયુક્ત રાષ્ટ્ર તરફથી ભારત માટે એક સારા સમાચાર છે. વર્લ્ડ ઇકોનોમિક સિચ્યુએશન એન્ડ પ્રોસ્પેક્ટ્સ રિપોર્ટમાં જણાવાયું છે કે ભારતીય અર્થતંત્ર 2024માં 6.7 ટકાના દરે વૃદ્ધિ પામશે કારણ કે મધ્યમ ગાળામાં સ્થાનિક માંગ મજબૂત રહેશે. આ સાથે જ આ વર્ષ 2023માં દેશનો આર્થિક વિકાસ દર 5.8 ટકા રહેવાની આશા છે.
આ અંગે સંયુક્ત રાષ્ટ્રના ગ્લોબલ ઇકોનોમિક મોનિટરિંગ વિભાગના વડા હામિદ રશીદે જણાવ્યું હતું કે ભારતની અર્થવ્યવસ્થાએ ઉજ્જવળ સ્થિતિ હાંસલ કરી છે, એમ પીટીઆઈએ જણાવ્યું હતું. તેના ઘણા સકારાત્મક પાસાઓ છે. તેમણે કહ્યું કે ભારતીય અર્થવ્યવસ્થા એક મજબૂત સ્થાન બની ગઈ છે. ભારતનો મોંઘવારી દર 5.5 ટકાની આસપાસ છે. જ્યારે દક્ષિણ એશિયાનો પ્રાદેશિક સરેરાશ દર 11 ટકા છે. તેથી આવકના વિસ્તરણ માટે ઘણો અવકાશ છે. 2023માં ભારતનો જીડીપી વૃદ્ધિ દર 5.8 ટકા સુધી પહોંચવાની અપેક્ષા છે.
દરમિયાન યુએનના રિપોર્ટમાં પાકિસ્તાન અને શ્રીલંકા અંગે પણ અટકળો જારી કરવામાં આવી છે. તેમાં કહેવામાં આવ્યું છે કે નબળા સ્થાનિક કરન્સીને કારણે પાકિસ્તાન, શ્રીલંકા માટે ફુગાવાનો દર બે આંકડામાં રહેવાની શક્યતા છે. આનો અર્થ એ થયો કે નાદારીની અણી પર ઉભેલા પાકિસ્તાન અને નાદારી જાહેર કરનાર શ્રીલંકા મોંઘવારીથી પીડાતા રહેશે.
