रुड़की : यावेळी साखर कारखाने उशीरापर्यंत सुरु राहिल्यामुळे ऊस सर्वे गडबडला आहे. जिल्हयामध्ये आतापर्यंत ऊस सर्वे अजूनही पूर्ण होऊ शकलेला नाही. तसेच सॅम्पल सर्वे रिपोर्ट ही आलेला नाही. शिवाय ऊस पर्यवेक्षकांना आता पावसाची चिंता लागून राहिली आहे.
ऊस विभागाकडून 15 मे पासून 15 जून पर्यंत ऊस सर्वे केला जातो. यापूर्वी एक जून पर्यंत सॅम्पल सर्वेचा रिपोर्ट आलेला असतो. विभागाच्या या सर्वेप्रमाणे शेेतकऱ्यांचा बेसिक कोटा, ऊस पावत्यांची तयारी सुरु करण्यात येते, पण यावेळी असे होऊ शकले नाही. 20 जून झाला, पण जिल्ह्यातील सॅम्पल सर्वे रिपोर्ट अजूनपर्यंत बनू शकलेले नाहीत. तर रुटीनच्या सॅम्पल सर्वेचे काम देखील 60 टक्केच पूर्ण होऊ शकले आहे. शिवाय आता हवामान विभागाने पावसाचा अंदाजही व्यक्त केला आहे. अशा मध्ये ऊस पर्यवेक्षकातही घबराटीचे वातावरण आहे. ऊस सर्वे मध्ये झालेल्या विलंबा मागे यावेळी उशीरापर्यंत सुरु असलेले साखर कारखाने असल्याचे सांगितले जात आहे. सहायक ऊस आयुक्त शैलेंद्र सिंह यांनी सांगितले की, पूर्वीच्या वर्षांमध्ये कारखान्यांचा गाळप हंगाम एप्रिल महिन्या पर्यंत संपून जात होता. यावेळी लक्सर साखर कारखाना १ जूनपर्यंत सुरु होता. अशा मध्ये पूर्वी ऊस पर्यवेक्षक सप्लाई संबंधित कामकाज करत राहीले. 10 जुलै पर्यंत ऊस सर्वे चे काम पूर्ण होईल अशी शक्यता आहे.
हि बातमी ऐकण्यासाठी प्ले बटन दाबा.
