નવી દિલ્હી: ભારતીય હવામાન વિભાગ (IMD) એ કહ્યું છે કે સોમવારથી, દિલ્હી અને ઉત્તર-પશ્ચિમ ભારતના આસપાસના ભાગમાં ગરમીનું મોજું ઓછું થઈ શકે છે, જે લોકોને મોટી રાહત આપશે. IMDએ મહત્તમ તાપમાનમાં 3-4 ડિગ્રી સેલ્સિયસનો ઘટાડો થવાની આગાહી કરી છે. આજે દિલ્હીમાં મહત્તમ તાપમાન 39 ડિગ્રી સેલ્સિયસ અને લઘુત્તમ તાપમાન 30 ડિગ્રી સેલ્સિયસ રહેવાની ધારણા છે.
હિમાચલ પ્રદેશ, પંજાબ, હરિયાણા-ચંદીગઢ-દિલ્હી, દક્ષિણ ઉત્તર પ્રદેશ, કચ્છ અને પૂર્વ રાજસ્થાનના અલગ-અલગ ભાગોમાં આજથી તાપમાનમાં ઘટાડો થશે, જ્યારે મધ્યપ્રદેશ, છત્તીસગઢ, તેલંગાણા અને પશ્ચિમ રાજસ્થાનમાં આગામી 24 સુધી ગરમીના મોજાની સ્થિતિ યથાવત રહેશે..નેશનલ વેધર ફોરકાસ્ટિંગ એજન્સીએ ઉત્તરપશ્ચિમ અને પૂર્વ ભારતમાં 4 મે સુધી અને ઉત્તરપૂર્વ ભારતમાં 3 મે સુધી વાવાઝોડાની આગાહી કરી છે. દિલ્હી, હિમાચલ પ્રદેશ, પંજાબ, હરિયાણા-ચંદીગઢ, પૂર્વ રાજસ્થાન અને ઉત્તર પ્રદેશના કેટલાક ભાગોમાં અલગ-અલગ સ્થળોએ અંશતઃ વાદળછાયું વાતાવરણ રહેશે.
છેલ્લા કેટલાક સપ્તાહથી, દેશના કેટલાક ભાગોમાં તીવ્ર ગરમીની લહેર ચાલી રહી છે અને ઉત્તર પશ્ચિમ અને મધ્ય ભારતમાં પારો ઉંચો અને સરેરાશ મહત્તમ તાપમાન અનુક્રમે 35.9 અને 37.78 ડિગ્રી સેલ્સિયસ સુધી પહોંચી ગયો છે. રાષ્ટ્રીય રાજધાનીમાં છેલ્લા 27 વર્ષમાં બીજી સૌથી ગરમ એપ્રિલ નોંધાઈ હતી, જેમાં છેલ્લા એક સપ્તાહમાં તાપમાન 40 ડિગ્રી સેલ્સિયસથી ઉપર હતું.