મુંબઈમાં ભારે વરસાદના કારણે જનજીવન અસ્તવ્યસ્ત થઈ ગયું છે. વરસાદના કારણે કેટલાક લોકોના મોત થયા હોવાના અહેવાલ પણ સામે આવ્યા છે. ભારતીય હવામાન વિભાગ (IMD) એ રવિવારે જણાવ્યું હતું કે મુંબઈ અને મધ્ય મહારાષ્ટ્ર સહિત દરિયાકાંઠાના વિસ્તારોમાં આગામી 48 કલાકમાં ભારેથી અતિ ભારે વરસાદ થવાની સંભાવના છે. મુંબઈ શહેરમાં છેલ્લા 24 કલાકમાં 31 મીમી વરસાદ નોંધાયો છે.
છ દાયકા પછી આ પ્રથમ વખત છે કે ચોમાસું મુંબઈ અને દિલ્હીમાં એક સાથે પહોંચ્યું છે.
અહીં મુંબઈમાં ભારે વરસાદને કારણે જનજીવન અસ્ત વ્યસ્ત થઈ ગયું છે. વરસાદના કારણે કેટલાક લોકોના મોત થયા હોવાના અહેવાલ પણ સામે આવ્યા છે. ભારતીય હવામાન વિભાગ (IMD) એ રવિવારે જણાવ્યું હતું કે મુંબઈ અને મધ્ય મહારાષ્ટ્ર સહિત દરિયાકાંઠાના વિસ્તારોમાં આગામી 48 કલાકમાં ભારેથી અતિ ભારે વરસાદ થવાની સંભાવના છે.
BMCએ જણાવ્યું કે મુંબઈ શહેરમાં છેલ્લા 24 કલાકમાં 31 મિલીમીટર વરસાદ નોંધાયો છે. જ્યારે પૂર્વ ઉપનગરોમાં 54 મીમી અને પશ્ચિમ ઉપનગરોમાં 59 મીમી વરસાદ નોંધાયો હતો. તેમણે કહ્યું કે સોમવારે અહીં મધ્યમથી ભારે વરસાદની સંભાવના છે.
હવામાન વિભાગે આગામી બે દિવસ મહારાષ્ટ્રના ઘણા વિસ્તારોમાં વરસાદની આગાહી કરી છે. IMDએ કહ્યું કે બંગાળની ખાડીમાં લો પ્રેશરનું ક્ષેત્ર બન્યું છે, જેના કારણે આગામી 48 કલાકમાં કોંકણ સહિત સમગ્ર વિસ્તારમાં ભારેથી અતિભારે વરસાદ પડશે.
અધિકારીએ કહ્યું કે લાંબા અંતર બાદ દક્ષિણ પશ્ચિમ ચોમાસું ઝડપથી આગળ વધી રહ્યું છે અને વધુને વધુ વિસ્તારને આવરી લે છે.
જણાવી દઈએ કે મુંબઈ અને તેના ઉપનગરોમાં છેલ્લા 24 કલાકથી ભારે વરસાદ થઈ રહ્યો છે. જેના કારણે વિવિધ સ્થળોએ પાણી ભરાઈ ગયા હતા અને કેટલાક રસ્તાઓ પર વાહનોની અવરજવરને અસર થઈ હતી. ચોમાસાએ રવિવારે દિલ્હી અને મુંબઈ બંનેને એકસાથે આવરી લીધા હતા.