વિશાખાપટ્ટનમ: ભારતીય હવામાન વિભાગ (IMD) એ મંગળવારે દરિયાકાંઠાના આંધ્રપ્રદેશમાં આગામી બે-ત્રણ દિવસ સુધી ભારે વરસાદની આગાહી કરી છે. IMDના વિશાખાપટ્ટનમ કેન્દ્રના વડા સુનંદા મોકાએ જણાવ્યું હતું કે, આંધ્રપ્રદેશના ઉત્તર અને દક્ષિણ કિનારે ભારે વરસાદ પડી શકે છે. આગામી ત્રણ દિવસમાં હળવાથી મધ્યમ વરસાદની શક્યતા છે. તેમણે કહ્યું કે, પશ્ચિમ-મધ્ય બંગાળની ખાડી પર એક નીચા દબાણનો વિસ્તાર વિકસી રહ્યો છે અને તે પશ્ચિમ-ઉત્તર-પશ્ચિમ દિશામાં આગળ વધી રહ્યો છે. IMD એ ગુરુવાર સુધી દરિયાકાંઠાના આંધ્રપ્રદેશ અને યાનમમાં ભારે વરસાદ અને ગાજવીજ સાથે વરસાદની આગાહી કરી છે.
