વાણિજ્ય મંત્રાલય દ્વારા જારી કરવામાં આવેલા આયાત-નિકાસના આંકડા અનુસાર છેલ્લા 10 મહિનામાં ચીનથી આયાતમાં વધારો થયો છે. આંકડા અનુસાર, નાણાકીય વર્ષ 2022-23ના જાન્યુઆરી મહિનામાં એટલે કે 10 મહિનાના સમયગાળામાં ચીનથી આયાતમાં 9 ટકાનો ઉછાળો આવ્યો છે. જ્યારે આ સમયગાળા દરમિયાન ચીનમાં નિકાસમાં ભારે ઘટાડો જોવા મળ્યો છે. ચીનમાં નિકાસમાં 34 ટકાનો ઘટાડો થયો છે.
ભારત ચીનમાંથી સૌથી વધુ આયાત કરે છે. નાણાકીય વર્ષ 2022-23માં ભારતમાં આયાતમાં ચીનનો હિસ્સો 13.91 ટકા છે. ભારતે 10 મહિનામાં ચીનથી કુલ $83.76 બિલિયનની આયાત કરી છે અને તેમાં પાછલા વર્ષની સરખામણીમાં 9 ટકાનો ઉછાળો આવ્યો છે. જ્યારે આ સમયગાળામાં ભારતે ચીનને માત્ર 12.20 અબજ ડોલરની નિકાસ કરી છે. ભારતની નિકાસમાં ચીનનો હિસ્સો માત્ર 3.30 ટકા છે. જ્યારે 2020માં ચીનને કુલ નિકાસમાં ભારતનો હિસ્સો 7 ટકા હતો. જ્યારે આંકડા મુજબ ભારતમાંથી 140 દેશોમાં નિકાસમાં વધારો થયો છે.
ચીનથી ભારતમાં સૌથી વધુ આયાત થતી વસ્તુઓમાં ઇલેક્ટ્રોનિક મશીનરી અને સાધનો, મિકેનિકલ એપ્લીકેશન, ઓર્ગેનિક કેમિકલ્સ, ખાતર, લેપટોપ, ઈલેક્ટ્રોનિક ઈન્ટિગ્રેટેડ સર્કિટ અને ટેલિફોન સેટનો સમાવેશ થાય છે. જ્યારે ભારત આયર્ન-ઓર, આયર્ન-સ્ટીલ, પેટ્રોલિયમ તેલની સૌથી વધુ નિકાસ ચીનને કરે છે.
