नवी दिल्ली : भारत इथेनॉल उत्पादनाला प्रोत्साहन देण्यासाठी पाण्याचा वापर अुनूकल व्हावा यासाठी मक्क्याच्या शेतीला प्रोत्साहन देण्यावर जोर देत आहे. मंत्री पियुष गोयल यांनी सरकारच्या अनुकूल धोरणांमुळे साखर कारखान्यांकडून ऊस उत्पादक शेतकऱ्यांना गेल्या हंगामातील ऊस बिले ९९.९९ टक्के वेळेत देण्याकडे इशारा करताना सांगितले की, साखर उत्पादनामध्ये वाढीमुळे बँकांना डिफॉल्ट होण्यापासून बचावल्या आहेत. आणि जादा इथेनॉलमुळे परकीय चलनात मोठी बचत झाली आहे.
त्यांनी दावा केला की, २० टक्के इथेनॉल मिश्रणापासून कच्च्या तेलाच्या आयातीमध्ये ८० लाख टनापर्यंत बचत होऊ शकते. अन्न सचिव संजीव चोपडा यांनी सांगितले की, मक्क्याच्या शेतीत वाढ होण्यासाठी एक सह परिस्थितीकीय तंत्राची गरज असते. ते इथेनॉलसाठी उपलब्ध आहे. मक्का उत्पादन ३४ मिलियन टनावरून वाढून ४२ मिलियन टन करण्यावर भर दिला जात आहे.
भारतामध्ये डिस्टिलरी मोलॅसीसपासून इथेनॉल उत्पादन करते. हा साखरेचा उप पदार्थ आहे. मात्र, ते २० टक्के मिश्रण उद्दिष्ट गाठण्यास पुरेसे नाही. त्यामुळे मक्का, खराब धान्य (डीएफजी) आणि एफसीआयकडे उपलब्ध तांदूळ अशा खाद्यान्नापासून इथेनॉल उत्पादनास परवानगी देण्यात आली आहे. २०२५ पर्यंत पेट्रोलमध्ये २० टक्के इथेनॉल मिश्रण उद्दिष्ट गाठण्यासाठी जवळपास १०१६ कोटी लिटर इथेनॉलची गरज भासेल. आणि इतर वापरांसाठी ३३४ कोटी लिटर इथेनॉलची गरज भासेल.
