नवी दिल्ली : चालू साखर हंगाम २०२४-२५ मध्ये इथेनॉल उत्पादनासाठी साखरेचा वापर आणि निर्यातीला परवानगी दिल्याने कारखानदारांना मोठा दिलासा मिळाला आहे. तथापि, गेल्या हंगामाच्या तुलनेत निव्वळ साखर उत्पादन (Net sugar production) ४.६ दशलक्ष मेट्रिक टन (एमएमटी) कमी होण्याची शक्यता व्यक्त केली जात आहे. याचे मुख्य कारण म्हणजे तीन सर्वात मोठ्या साखर उत्पादक राज्यांमध्ये उसाच्या उत्पादनात घट आणि गेल्यावर्षीच्या तुलनेत इथेनॉल उत्पादनासाठी साखरेच्या वापरात झालेली\ वाढ हे आहे. आता २०२४-२५मधील साखर हंगाम मध्यावर आला आहे. आणि AgriMandi.live रिसर्चच्या आकडेवारीनुसार, भारतात सुमारे २७.४ दशलक्ष मेट्रिक टन निव्वळ साखर उत्पादन होण्याची अपेक्षा आहे.
चालू हंगामाची सुरुवात ७.९ एमएमटी साखर साठ्याने झाली. त्यामुळे, चालू हंगामात एकूण साखरेचा पुरवठा ३५.३ दशलक्ष टन (७.९ दशलक्ष टन ओपनिंग स्टॉक + २७.४० दशलक्ष टन साखर उत्पादन) होण्याची अपेक्षा आहे. सरकारने अलिकडेच दिलेली १ दशलक्ष टन साखर निर्यातीची परवानगी आणि सरकार-ते-सरकार (जी२जी) अंतर्गत साखर निर्यात यांचा समावेश केल्यास चालू हंगामातील एकूण साखरेची मागणी अथवा उचल ३०.४० दशलक्ष टन होण्याची अपेक्षा असल्याचे अ‍ॅग्रीमंडीने म्हटले आहे. उपलब्ध आकडेवारीनुसार, २९.२० दशलक्ष टन हा देशांतर्गत साखरेचा वापर आणि ०.२० दशलक्ष टन जी२जी साखर निर्यात आणि १ दशलक्ष टन साखर निर्यात परवानगी याचा यामध्ये समावेश आहे.
साखर बाजारात हंगाम २०२४-२५ मध्ये अंदाजित ताळेबंद; साखर उत्पादनात झालेली घट, वापरात झालेली किरकोळ वाढ आणि साखरेचे इथेनॉलमध्ये रूपांतर होण्याच्या प्रमाणात झालेली लक्षणीय वाढ हे अनेक महत्त्वाचे ट्रेंड दर्शवितात. २०२३-२४ च्या साखर हंगामात एकूण साखर उपलब्धता ३७.२० दशलक्ष टन होती (५.२० दशलक्ष टन सुरुवातीचा साठा आणि ३२ दशलक्ष टन निव्वळ साखर उत्पादन). एकूण साखरेचा वापर २९.३० दशलक्ष टन होता (२९.१० दशलक्ष टन देशांतर्गत साखरेचा वापर + ०.२० दशलक्ष टन जी२जी साखर निर्यात). परिणामी, अंतिम साखरेचा साठा ७.९० दशलक्ष टन इतका राहिला. गेल्या हंगामात इथेनॉल उत्पादनासाठी २.२ दशलक्ष टन साखर वळवण्यात आली होती.
महाराष्ट्र, कर्नाटक आणि उत्तर प्रदेश यासारख्या प्रमुख साखर उत्पादक राज्यांमध्ये कमी ऊस उत्पादनाचा अंदाज असल्याने चालू हंगामात साखरेचे उत्पादन कमी राहण्याची अपेक्षा आहे. उत्तर प्रदेशात साखरेचे निव्वळ उत्पादन ९.३० दशलक्ष टन होण्याची शक्यता आहे. मागील हंगामातील १०.४० दशलक्ष टनांपेक्षा ते १.१० दशलक्ष टनाने कमी आहे. महाराष्ट्रात, गेल्या हंगामातील ११ मिलयन टनापेक्षा ते ८.५० मिलियन टनांपर्यंत कमी होण्याची अपेक्षा आहे. तिसऱ्या क्रमांकाचे साखर उत्पादक राज्य असलेल्या कर्नाटकमध्येही २०२३-२४ हंगामात ४.५० दशलक्ष टन साखर उत्पादन होण्याची अपेक्षा आहे. यापूर्वी हे उत्पादन ५.२० दशलक्ष टन होते. चालू हंगामात सरकारने १० लाख टन साखर निर्यातीला परवानगी दिल्याने, कच्च्या साखरेच्या किमती असमान आहेत., पश्चिम महाराष्ट्र आणि उत्तर कर्नाटकातील कारखान्यांसाठी एलक्यूडब्ल्यू (कमी दर्जाची पांढरी साखर) ४४५-४५० डॉलर प्रती मेट्रिक टन स्थिर आहे. सध्या, पांढऱ्या साखरेचा दर प्रति मेट्रिक टन सुमारे ४८६.९० डॉलरवर आहे.
बाजारातील सूत्रांच्या म्हणण्यानुसार, निर्यातीसाठी भारतीय बाजारपेठेनुसार साखरेचा दर प्रति टन ३९,००० ते ४०,००० रुपयांच्या दरम्यान आहे आणि कोटा एक्सचेंज प्रती टन ३,५०० रुपये आहे. त्यामुळे साखर कारखान्यांना फायदा होत आहे. भारत सरकारकडून साखर निर्यात परवानगी मिळाल्यानंतर, देशांतर्गत बाजारपेठेतही तेजी दिसून आली आहे. महाराष्ट्रात, एस/३० साखरेचे दर प्रति टन १०० रुपये ट्रेड करीत आहेत. उत्तर प्रदेशात एम/३० साखरेचा भाव प्रति क्विंटल ३,९५० ते ४,००० रुपयांपर्यंत आहे.
डिक्लेमर : येथे दिलेली माहिती सार्वजनिकरित्या उपलब्ध असलेल्या डेटा किंवा विश्वासार्ह मानल्या जाणाऱ्या इतर स्त्रोतांमधून घेतली आहे. त्यावर अवलंबून राहू नये. या वृत्तामध्ये दिलेल्या माहितीत अनवधानाने झालेल्या चुकीमुळे कोणत्याही व्यक्तीचे नुकसान किंवा हानी झाल्यास ‘चीनी मंडी’ कोणत्याही प्रकारे जबाबदार राहणार नाही. या दस्तऐवजातील माहिती या बातमीच्या तारखेनुसार आहे आणि भविष्यातील निकाल किंवा घटना या माहितीशी सुसंगत असतील याची कोणतीही हमी नाही.
