मुझफ्फरनगर : साखर कारखान्यांनी गाळप हंगाम सुरू होण्यापूर्वी देखभाल, दुरुस्तीची कामे पूर्ण करावीत असे निर्देश ऊस विभागाचे नोडल अधिकारी प्रणय सिंह यांनी दिली. सिंह यांनी मोर्णा साखर कारखान्याची पाहणी केली. नुनिखेडा गावातील शेतकरी मेळाव्यात सहभाग घेतला.
अमर उजालामध्ये प्रकाशित वृत्तानुसार, लखनौहून आलेले अतिरिक्त ऊस आयुक्त प्रणय सिंह यांनी मोर्णा सहकारी साखर कारखान्याची पाहणी केली. कारखान्यात सुरू असलेली दुरुस्तीची कामे वेळेत पूर्ण करण्याच्या सूचना देण्यात आल्या. ते म्हणाले की, गळीत हंगाम सुरू होण्यापूर्वी सर्व कारखान्यांनी त्यांच्या दुरुस्तीची कामे पूर्ण करावीत.
खतौली ऊस समितीच्या नुनिखेडा गावात आयोजित शेतकरी चर्चासत्रात अतिरिक्त ऊस आयुक्तांनी सहभाग घेत शेतकऱ्यांशी चर्चा केली. त्यांच्या सूचना जाणून घेतल्या. उसासह इतर प्रश्नांवर चर्चा केली. ते म्हणाले, शेतकर्यांनी आता नवीन उसाचे वाण पेरून अधिक नफा कमवावा. उसासोबत आंतरपीक घ्यावे. आधुनिक शास्त्रोक्त तंत्राने उसाची लागवड करून अधिक उत्पादन घ्यावे यावेळी सहारनपूरचे ऊस उपायुक्त ओ. पी. सिंग म्हणाले की, ऊस समित्यांमध्ये स्थापन करण्यात आलेल्या फार्म मशिनरी बँकेतील शेत यंत्रसामग्रीचा वापर केला जातो. जिल्हा ऊस अधिकारी संजय सिसोदिया उपस्थित होते.
