इस्राइलने गाझा पट्टीतील हमासच्या अनेक ठिकाणांवर रात्रभर हल्ले केले. आयडीएफचे म्हणणे आहे की या साइट्समध्ये कमांड सेंटर आणि दहशतवादी गटाशी संबंधित इतर विविध सुविधांचा समावेश आहे. लष्कराचे म्हणणे आहे की त्यांनी अनेक टँक-विरोधी क्षेपणास्त्र प्रक्षेपण साइट्स आणि उंच इमारतींमधील स्नायपरस्थानांवर देखील हल्ला केला. हमासने गाझाच्या बाजूने रॉकेट डागले. गाझाच्या आरोग्य मंत्रालयाच्या प्रवक्त्याने शुक्रवारी उशिरा दिलेल्या निवेदनात सांगितले की, इस्रायली सैन्याने गेल्या २४ तासांत गाझा पट्टीवर ३७ हल्ले केले असून त्यात ३५२ नागरिक ठार झाले आहेत आणि ६६९ जखमी झाले.
मनीकंट्रोनलने दिलेल्या वृत्तानुसार, संरक्षण मंत्री योव गॅलंट यांनी संध्याकाळी उशिरा गाझा सीमेजवळील असेंब्ली क्षेत्राला भेट दिली असे आयडीएफने सांगितले आहे. ऑपरेशनच्या विस्तारासाठी सैन्याच्या तयारीचे त्यांनी बारकाईने निरीक्षण केले. याबाबत एका निवेदनात म्हटले आहे की गॅलंटने विविध युनिट्सच्या कमांडर आणि सैनिकांशी चर्चा केली. संभाव्य इस्रायली जमिनीवर हल्ला होण्यापूर्वी हजारो सैनिक गाझा सीमेजवळ जमले आहेत.
दरम्यान, गाझा पट्टीतून प्रक्षेपित केलेल्या रॉकेटमुळे दक्षिणेकडील किनारपट्टीवरील शहर अश्केलॉनमध्ये लक्षणीय नुकसान झाले, असे अधिकाऱ्यांनी सांगितले, टाईम्स ऑफ इस्रायलच्या म्हणण्यानुसार. अग्निशमन दल आणि बचाव सेवेने सांगितले की एक रॉकेट थेट घरावर आदळले, त्यामुळे नुकसान झाले. दुसरे रॉकेट अनेक गाड्यांवर आदळले. मात्र, यात कोणतीही जीवितहानी झाली नाही. दहशतवाद्यांनी सिडरोट, अश्दोद आणि आसपासच्या अनेक शहरांवर रॉकेट हल्लेही केले. सिडरोट नगरपालिकेने सांगितले की दक्षिणेकडील शहरांवर आदळलेल्या रॉकेटने रस्ता आणि बस स्टॉपचे नुकसान केले आहे.
