तेल अवीव: गाझाच्या आरोग्य अधिकार्‍यांनी दावा केला आहे कि, गाझामधील दोन निर्वासित शिबिरांवर इस्रायली हवाई हल्ल्यात अनेक लोक ठार झाले आहेत. दरम्यान, इस्रायली माध्यमांच्या वृत्तानुसार, इस्रायली सैन्याने गाझा पट्टीला पूर्ण वेढा दिला आहे. 48 तासांच्या आत इस्रायली सैन्य गाझा शहरात प्रवेश करू शकते. गाझामधील फोन सेवा एका महिन्यात तिसऱ्यांदा बंद करण्यात आली आहे. गाझामधील आरोग्य मंत्रालयाच्या म्हणण्यानुसार, इस्रायली हवाई हल्ल्यामध्ये आतापर्यंत 4,000 हून अधिक मुले आणि अल्पवयीनांसह 9,700 पॅलेस्टिनींचा मृत्यू झाला आहे. वेस्ट बँकमध्ये इस्रायलच्या हल्ल्यात 140 हून अधिक पॅलेस्टिनी ठार झाले आहेत. इस्रायलमध्ये हमासच्या हल्ल्यात 1,400 हून अधिक लोक मारले गेले आहेत आणि 242 लोकांना दहशतवादी गटाने ओलीस ठेवल्याचे म्हटले आहे.
