યમુનાનગર: આ જિલ્લામાં એક્સપાયરી ખાંડ અને ગોળને રિસાયક્લિંગ કરતી બે યુનિટમાં બિનખાદ્ય ગોળ તૈયાર થઇ રહ્યો હોવાનું જાણવા મળ્યું હતું. બિલાસપુર પેટા વિભાગમાં બે એકમો પર મંગળવારે સ્થાનિક વહીવટી ટીમ દ્વારા દરોડા પાડવામાં આવ્યા હતા જેમાં ફૂડ સેફટી ઓફિસર, નાયબ તહેસીલદાર,મેજિસ્ટ્રેટ અને બિલાસપુર પોલીસ સ્ટેશનના વધારાના અધિકારી ચંદ્રપાલ શર્માનો સમાવેશ થાય છે.
ટ્રિબ્યુન ઇન્ડિયામાં છપાયેલા સમાચાર મુજબ તેઓને જાણવા મળ્યું કે એકમો એક્સપાયરી સુગર અને ગોળને રિસાયક્લિંગ કરીને ઉત્પાદન તૈયાર કરી રહ્યા છે. તેમને એ પણ જાણવા મળ્યું કે ગોળ અસ્વસ્થ પરિસ્થિતિમાં તૈયાર કરવામાં આવી રહ્યો છે અને મોટાભાગના કામદારો માસ્ક પહેરેલા ન હતા અને સામાજિક અંતરને અનુસરતા ન હતા. ટીમના સભ્યોએ ગોળના નમૂના લીધા હતા અને પરીક્ષણ માટે મોકલ્યા હતા. અધિકારીઓએ કહ્યું કે અમે મંગળવારે બે ગોળ એકમો પણ દરોડા પાડયા હતા. ગોળના નમૂનાઓ પરીક્ષણ માટે મોકલ્યા છે. રિપોર્ટ આવ્યા બાદ આગળની કાર્યવાહી કરવામાં આવશે
