જલંધરઃ જલંધરના ભોગપુરમાં એક શુગર મિલમાં શોર્ટ સર્કિટના કારણે આગ લાગી હતી. આ ઘટના બાદ તાત્કાલિક ફાયર વિભાગને જાણ કરવામાં આવી હતી. ફાયર વિભાગની ટીમે ઘટના સ્થળે પહોંચી ભારે જહેમત બાદ આગને કાબુમાં લીધી હતી. આ બનાવથી મિલ પરિસરમાં ચકચાર મચી જવા પામી છે. આ આગની જ્વાળાઓ દૂર દૂર સુધી દેખાતી હતી. આગને કાબુમાં લેવા માટે અડધો ડઝનથી વધુ ફાયર એન્જિન તૈનાત કરવામાં આવ્યા હતા. આગના કારણે મિલના માલિકને મોટું નુકસાન થયું છે. પોલીસે ઘટના સ્થળે પહોંચીને મામલાની તપાસ શરૂ કરી હતી.
