म्हैसूर : ऊस उत्पादक शेतकऱ्यांनी ३२०० रुपये एफआरपी निश्चित करण्याची मागणी सरकारकडे केली आहे. पुढील हंगामात उसाच्या दरात वाढ करण्याची अपेक्षा शेतकऱ्यांनी व्यक्त केली.
शहर काँग्रेस युनीटच्या सदस्यांनी वाढत्या इंधन दराविरोधात निदर्शने केली. चामराजा विधानसभा क्षेत्रात काँग्रेसच्या कार्यकर्त्यांनी माजी आमदार वासू यांच्या नेतृत्वाखाली यादवगिरी येथे आकाशवाणी सर्कलजवळील केआरएस रोडवरील पेट्रोल पंपासमोर धरणे आंदोलन केले. माजी महापौर प्रकाश आणि इतर काँग्रेस कार्यकर्ते उपस्थित होते. एनएसयूआयच्या सदस्यांनी रेल्वे स्टेशन जवळील दसप्पा सर्कल येथील पेट्रोल पंपासमोर आंदोलन केले. इंधन दरवाढ आणि जीवनावश्यक वस्तूंच्या दरवाढीबाबत सरकारवर टीका केली.
चामुंडेश्वरी काँग्रेस शाखेच्या सदस्यांनी शहरातील निवेदितानगरात निदर्शने केली. चामुंडेश्वरी प्रखंड समितीचे अध्यक्ष नागनहळ्ळी उमाशंकर यांच्यासह कार्यकर्ते उपस्थित होते. दुसरीकडे कर्नाटक राज्य ऊस उत्पादक संघाचे प्रदेशाध्यक्ष कुरुबुरु शांताकुमार यांच्या अध्यक्षतेखाली कार्यकर्त्यांनी उपायुक्त कार्यालयासमोर आंदोलन केले. सरकारने ऊसाची एफआरपी निश्चित करण्याची मागणी केली. २०२१-२२ या वर्षासाठी ३२०० रुपये प्रती टन ऊस दरासह राष्ट्रीयिकृत बँकांच्या माध्यमातून खास कर्ज योजना लागू करण्याची मागणी करण्यात आली.
चीनीमंडी चे अपडेट्स व्हाट्सअप वर मिळवण्यासाठी खालील लिंक वर क्लिक करा
WhatsApp Group Link
