नैरोबी : Kenya Bureau of Standards (Kebs) ने स्थानिक साखर उत्पादनातील तुटवड्याला तोंड देण्यासाठी राज्याच्या शुल्कमुक्त आयात योजनेअंतर्गत साखर आयातीसाठी कठोर नियम निश्चित केले आहेत. ९ ऑगस्ट २०२३ रोजी ते राजपत्रात प्रकाशित करण्यात आले आहेत. मंत्रिमंडळाने गेल्या महिन्यात गगनाला भिडणाऱ्या किमतींना आळा घालण्यासाठी शुल्क मुक्त आयातीच्या विस्तारास मंजुरी दिली. स्थानिक पातळीवर साखरेच्या तीव्र तुटवड्यामुळे दराने Sh२५० प्रती किलोग्रॅम असा उच्चांक गाठला आहे. साखरेच्या मोठ्या खेपांच्या अपेक्षित प्रवेशासह, Kebs ने नफेखोर व्यापार्‍यांकडून होणारे गैरव्यवहार रोखण्याच्या उद्देशाने नियम तयार केले आहेत.
Kebs म्हटले आहे की, सर्व आयात केलेल्या साखरेची बंदरावर अनिवार्य सर्टिफिकेट ऑफ कॉन्फॉर्मिटीची मोफत तपासणी करावी लागेल. ही चाचणी आयातदार किंवा नियुक्त एजंटच्या उपस्थितीत होईल आणि मानकांच्या संबंधित आवश्यकतांचे अनुपालन सत्यापित करण्यासाठी चाचण्या केल्या जातील असे केब्सने नोटीसमध्ये म्हटले आहे.
नियमांनुसार, ज्या देशांमध्ये केब्स ने तपासणी कंपन्या नियुक्त केल्या आहेत आणि त्यांच्यासोबत सीओसी नाहीत, अशा देशांतून आयात केलेल्या सर्व साखरेची तपासणी मंजूर सीमाशुल्क मूल्यांच्या पाच टक्के प्रमाणे शुल्क आकारून केली जाईल. ज्या देशांत केब्स ने तपासणी एजंट्सशी करार केला आहे, त्या देशांतील सर्व साखर मंजूर सीमाशुल्क मूल्याच्या ०.६ टक्के आणि चाचणी शुल्क भरल्यास तपासणी गंतव्य स्थळाच्या अधीन राहील.
