एर्नाकुलम : कृषी विज्ञान केंद्राने (केवीके) गुणवत्तापूर्ण गुळाचे उत्पादन करण्यासाठी जिल्ह्यातील अलंगड, कुरूमल्लूर आणि निरिकोड विभागात ऊस शेतीसाठी एक प्रायोगिक युनिट सुरू केले आहे. केव्हीकेने एक हेक्टर गूळ उत्पादन करण्याच्या उद्देशाने आयसीएआर-ऊस प्रजनन संस्था (कोईंबतूर) द्वारे जारी करण्यात आलेले ऊसाची CO ८६०३२ प्रजाती लावण्यात आली आहे. केव्हीके पुढील डिसेंबरमध्ये पिकाची तोडणीपर्यंत अलंगडमध्ये एक गूळ उत्पादन युनिट स्थापन करण्याची योजना तयार करीत आहे.
आयसीएआर-भारतीय ऊस संशोधन केंद्र (आयसीएआर-आयआयएसआर, लखनौ) चे मुख्य संशोधक दिलीप कुमार गेल्या २० वर्षांपासून गुळावर संशोधक करीत आहेत. दिलीप कुमार यांनी शेतीच्या अशा ठिकाणांची पाहणी करून शेतकऱ्यांसमवेत चर्चा केली आहे. त्यांनी गूळ युनिटच्यास्थापनेसाठी आयसीएआर-आयआयएसआरच्या तंत्रज्ञानाचे आश्वासन दिले आहे. डॉ. दिलीप कुमार यांनी सांगितले की, विभागात असलेल्या ऊस शेतीचे पुनरुज्जीवन केले जावू शकते आणि गुळाला जीआय टॅग विकसित केला जाऊ शकतो. एर्नाकुलमध्ये केव्हीकेचे प्रमुख संशोधक शिनोज सुब्रमण्यन यांनी सांगितले की, रसायनमुक्त उच्च गुणवत्तायुक्त गुळ उत्पादन करणे आणि पारंपरिक अलंगदान शर्करा (अलंगद गुळ) साठी एक ब्रँडेड मार्केटिंग चॅनल स्थापन करणे हा या प्रायोगीक तत्वावरील फार्मचा उद्देश आहे. रासायनिक रुपातील दूषित गूळ मानवी आरोग्यासाठी हानीकारक आहे. ते म्हणाले की, प्रायोगिक तत्त्वावर गुळ युनिट स्थापनेनंतर स्थानिक शेतकऱ्यांना पिकाबाबत विश्वास निर्माण होईल. उसापासून अनेक मूल्यवर्धीत उत्पादने तयार केली जाऊ शकतात. यामध्ये बाटलीबंद ज्युस, तरल गूळ, व्हॅक्युम क्लिनीग गूळ उत्पादन केला जाऊ शकतो.
