पुणे : कोजनरेशन असोसिएशन ऑफ इंडियाच्या वतीने सलग तिसऱ्या वर्षी नॅशनल कोजनरेशन ॲवॉर्ड पुरस्कार २०२४ चे वितरण शनिवारी (दि.१९) होत आहे. माजी केंद्रिय कृषिमंत्री आणि कोजनरेशन संस्थेचे अध्यक्ष, खासदार शरद पवार यांच्या उपस्थितीत आणि राज्याचे सहकारमंत्री बाबासाहेब पाटील यांच्या अध्यक्षतेखाली हा पुरस्कार वितरण सोहळा बाणेर येथील हॉटेल ऑर्चिड येथे सकाळी दहा वाजता होणार आहे.
कोजनरेशनचे उपाध्यक्ष जयप्रकाश दांडेगावकर, महासंचालक संजय खताळ यांच्यासह राष्ट्रीय सहकारी साखर कारखाना महासंघाचे अध्यक्ष हर्षवर्धन पाटील, राज्य सहकारी साखर कारखाना संघाचे अध्यक्ष पी. आर. पाटील, आमदार दिलीप वळसे पाटील, विस्माचे अध्यक्ष बी. बी. ठोंबरे, साखर आयुक्त सिध्दाराम सालिमठ, डॉ. संगीता कस्तुरे आणि ऊर्जा मंत्रालयाचे माजी सहसचिव दिनेश जगदाळे, राष्ट्रीय साखर संस्थेचे नरेंद्र मोहन आदी उपस्थित राहणार आहेत.
