शिलाँग : पूर्व खासी हिल्स जिल्ह्यातील भोलागंजजवळ सोमवारी सीमा सुरक्षा दल, मेघालय फ्रंटियरने १०,००० किलो साखर जप्त केली. सुरक्षा कर्मचाऱ्यांनी आंतरराष्ट्रीय सीमेजवळ जप्त साखरेसह दोन भारतीय नागरिकांनाही अटक केली आहे. शिलाँगमधील बीएसएफ मुख्यालयाच्या प्रवक्त्याने मंगळवारी सांगितले की, मिळालेल्या माहितीच्या आधारे ही कारवाई करण्यात आली.
बीएसएफने साखरेने भरलेला ट्रक अडवत चौकशी केली. यावेळी ड्रायव्हर आणि सह-चालक हे मालवाहतुकीशी संबंधित कोणत्याही वैध कागदपत्रांशिवाय सापडले. त्यांना ताब्यात घेऊन जप्त साखरेसह कायदेशीर कारवाईसाठी भोलागंज येथील कस्टम कार्यालयाकडे सोपवण्यात आले आहे. दरम्यान, बीएसएफने या महिन्याच्या सुरुवातीला, १३,००० किलो साखर घेऊन जाणारे एक वाहन अडवले होते. आसामच्या करीमगंज जिल्ह्यातील दोन लोकांना पूर्व जैंतिया हिल्स जिल्ह्यातील कुलियांग सीमा भागात पकडण्यात आले होते. त्यातून बांगलादेशात साखरेची तस्करी केली जात होती.
