सातारा : भारतीय शुगरच्यावतीने राष्ट्रीय पातळीवरील सर्वोत्कृष्ट साखर कारखाना पुरस्काराने य. मो. कृष्णा सहकारी साखर कारखान्यास गौरविण्यात आले. कोल्हापूर येथील सोहळ्यात नॅशनल शुगर इन्स्टिट्यूटचे (कानपूर) संचालक नरेंद्र मोहन यांच्या हस्ते हा पुरस्कार प्रदान करण्यात आला. कृष्णा कारखान्याचे अध्यक्ष डॉ. सुरेश भोसले यांच्या मार्गदर्शनाखाली कारखान्याने सर्व क्षेत्रामध्ये उत्कृष्टपणे कामगिरी केल्यामुळे भारतीय शुगरने पुरस्कारासाठी कृष्णा कारखान्याची निवड केली. एक लाख रुपये रोख, चषक व प्रमाणपत्र असे पुरस्काराचे स्वरूप आहे. कारखान्याच्यावतीने उपाध्यक्ष जगदीश जगताप, संचालक धोंडीराम जाधव, संजय पाटील, बाबासाो शिंदे, बाजीराव निकम, संभाजी पाटील, विलास भंडारे, राम पाटील, मनोज पाटील, वैभव जाखले, बालाजी पबसेटवार यांनी हा पुरस्कार स्वीकारला.
