नवी दिल्ली : नॅशनल फेडरेशन ऑफ को-ऑपरेटिव्ह शुगर फॅक्टरीज (NFCSF) च्या नवनिर्वाचित संचालक मंडळाने आज नवी दिल्लीत केंद्रीय गृह आणि सहकार मंत्री अमित शहा यांची भेट घेतली. महासंघाचे नूतन अध्यक्ष, महाराष्ट्राचे माजी मंत्री हर्षवर्धन पाटील यांनी शिष्टमंडळाचे नेतृत्व केले.
X प्लॅटफॉर्मवरील आपल्या पोस्टमध्ये केंद्रीय गृह आणि सहकार मंत्री अमित शहा म्हणाले की, त्यांनी राष्ट्रीय सहकारी साखर कारखान्यांच्या नवनिर्वाचित संचालक मंडळाची भेट घेतली आणि त्यांचे अभिनंदन केले. ते म्हणाले की, पंतप्रधान नरेंद्र मोदी यांच्या नेतृत्वाखाली सहकार मंत्रालय सहकार क्षेत्राच्या समृद्धीसाठी कटिबद्ध आहे. बैठकीत केंद्रीय सहकारमंत्र्यांनी महासंघाला भारतातील साखर क्षेत्रात आघाडीची भूमिका बजावण्याचे निर्देश दिले. शाह यांनी मका आणि उसापासून इथेनॉल तयार करण्यासाठी मल्टीफीड डिस्टिलरी उभारण्याच्या दिशेने वेगाने काम करण्यावर भर दिला. कॉर्पोरेट संस्थेप्रमाणे फेडरेशन चालवण्यास सांगितले.
