बेलरायान : उत्तर प्रदेश सहकारी साखर कारखाना संघाच्या व्यवस्थापकीय संचालकांनी सरजू सहकारी साखर कारखान्याची अचानक तपासणी केली. आगामी ऊस गळीप हंगाम २०२३-२०२४ मध्ये साखर कारखाना अधिक चांगल्या पद्धतीने चालविण्याबाबत अधिकाऱ्यांना सूचना दिल्या. हंगामात तांत्रिक बिघाडाने कारखाना बंद पडल्यास अधिकाऱ्यांकडून नुकसान वसुली केली जाईल, असा इशारा यावेळी देण्यात आला.
अमर उजालामध्ये प्रकाशित वृत्तानुसार, साखर कारखान्याच्या पाहण्यासाठी आलेले उत्तर प्रदेश सहकारी साखर कारखाना संघाचे व्यवस्थापकीय संचालक आर. के. पांडे यांनी बॉयलर हाऊस, बगॅस, टर्बाइन, वर्कशॉप, स्टोअर, ड्रायर हाऊस आणि मशीन्सची तपासणी केली. व्यवस्थापकीय संचालकांनी गळीत हंगामात कारखान्यात तांत्रिक बिघाड खपवून घेतला जाणार नसल्याचे स्पष्ट केले. तांत्रिक बिघाडामुळे गिरणी बंद पडल्यास अधिकाऱ्यांवर कडक कारवाई करून वसुली केली जाईल असे ते म्हणाले.
नव्या हंगामात कारखान्याच्या ५० हजार टीडीसी क्षमतेनुसार कामाचे उद्दिष्ट ठेवण्यात येणार आहे. साखर कारखान्याच्या दुरुस्तीचे काम दसरा सणापर्यंत पूर्ण करण्याच्या सूचना त्यांनी अधिकाऱ्यांना दिल्या आहेत. कारखान्याचे मुख्य व्यवस्थापक संजय सिंग, मुख्य केमिस्ट राजेश त्रिपाठी, मुख्य अभियंता पंचुराम, मुख्य लेखापाल रवी चौधरी, संगणक अभियंता अभिलाष श्रीवास्तव, कनिष्ठ अभियंता लुकमान अहमद आदी अधिकारी उपस्थित होते.
