ખરીફ માર્કેટિંગ સિઝન 2022-23 (ખરીફ પાક) માટે ડાંગરની ખરીદી 13 રાજ્યો/કેન્દ્રશાસિત પ્રદેશોમાં સરળતાથી ચાલી રહી છે. પંજાબ, ચંદીગઢ, છત્તીસગઢ, ઉત્તરાખંડ, હિમાચલ પ્રદેશ, બિહાર, ઉત્તર પ્રદેશ, ગુજરાત, જમ્મુ અને કાશ્મીર, કેરળ, તેલંગાણા, હરિયાણા અને તમિલનાડુમાં ખરીદીની પ્રક્રિયા ચાલી રહી છે. તારીખ 10.11.2022 સુધીમાં 231 લાખ મેટ્રિક ટન ડાંગરની ખરીદી કરવામાં આવી છે. તેની સરખામણીમાં ગયા વર્ષના સમાન સમયગાળા દરમિયાન લગભગ 228 લાખ મેટ્રિક ટન ડાંગરની ખરીદી કરવામાં આવી હતી. પ્રાપ્તિ માંથી આશરે રૂ. 47644 કરોડના લઘુત્તમ ટેકાના ભાવની ચુકવણી સાથે 13.50 લાખથી વધુ ખેડૂતોને પહેલેથી જ ફાયદો થયો છે.
આ વર્ષે દેશમાં વરસાદની સ્થિતિ ઘણી સારી રહી છે અને ડાંગરનું ઉત્પાદન સામાન્ય રહેવાની ધારણા છે. વર્તમાન ખરીફ માર્કેટિંગ સિઝન 2022-23ના ખરીફ પાક માટે, 771 LMT ડાંગર (ચોખાના કિસ્સામાં 518 LMT) ની અંદાજિત પ્રાપ્તિનો અંદાજ છે. તેની સરખામણીમાં, ગત ખરીફ માર્કેટિંગ સિઝન 2021-22 (ખરીફ પાક) દરમિયાન 759 LMT ડાંગર (ચોખાના કિસ્સામાં 510 LMT)ની ખરીદી કરવામાં આવી હતી. આમાં રવિ ડાંગર સહિત, સમગ્ર ખરીફ માર્કેટિંગ સિઝન 2022-23 દરમિયાન લગભગ 900 લાખ મેટ્રિક ટન ડાંગરની ખરીદી થવાની ધારણા છે.
NFSA/PMGKAY/OWS ની જરૂરિયાતને પહોંચી વળવા માટે કેન્દ્રીય પૂલ હેઠળ અનાજનો પુરતો સ્ટોક ઉપલબ્ધ છે.
અન્ય રાજ્યોમાં પણ ટૂંક સમયમાં પ્રાપ્તિ પ્રક્રિયા શરૂ થવા જઈ રહી છે અને મુશ્કેલી મુક્ત ખરીદી કામગીરી માટે તમામ જરૂરી વ્યવસ્થા કરવામાં આવી છે.
