इस्लामाबाद :पंतप्रधान शहबाज शरीफ यांनी संबंधित मंत्रालयांनी पुरवलेल्या साखर साठ्याबाबत गंभीर चिंता व्यक्त केली आहे. सूत्रांनी सांगितले की, नुकत्याच झालेल्या मंत्रिमंडळाच्या बैठकीत पंतप्रधानांनी साखर साठ्याच्या चुकीच्या आकडेवारीवर नाराजी व्यक्त केली, ज्यामुळे चुकीचे निर्णय होऊ शकतात. पंतप्रधान म्हणाले की साखर कारखाना असोसिएशनने दिलेली आकडेवारी बरोबर होती. तर मंत्रालयांकडून मिळालेल्या आकडेवारीत त्रुटी होत्या.
तथापि, सरकारने वेळेवर घेतलेले निर्णय आणि सततच्या देखरेखीमुळे ६,९०,००० मेट्रिक टन साखर निर्यात करणे आणि देशांतर्गत साखरेच्या दरात कोणतीही वाढ न करता अत्यावश्यक परकीय चलन आणणे शक्य झाल्याबद्दल पंतप्रधानांनी समाधान व्यक्त केले. त्यांनी मंत्रिमंडळाला सांगितले की, पाकिस्तानी लष्कराच्या मदतीने, पश्चिम सीमेवरील तस्करी पूर्णपणे थांबली आहे. यातून देशांतर्गत किमती स्थिर ठेवण्यास खूप मदत झाली आहे. आर्थिक आघाडीवर अलीकडच्या सकारात्मक घडामोडींवरही पंतप्रधानांनी प्रकाश टाकला. या संदर्भात त्यांनी नमूद केले की, वर्ष-दर-वर्ष चलनवाढ नोव्हेंबरमध्ये ४.९ टक्यापर्यंत घसरली आहे. हा साडेसहा वर्षातील सर्वात कमी चलनवाढीचा दर आहे आणि पाकिस्तान सांख्यिकी ब्युरोतील ऑक्टोबरमधील ७.२ टक्यावरून तो खाली आली आहे.
