દેશભરમાં પેટ્રોલ અને ડીઝલના ભાવ 122 દિવસથી સ્થિર છે, જ્યારે ક્રૂડ ઓઈલ જેમાંથી પેટ્રોલ અને ડીઝલ બનાવવામાં આવે છે તેના ભાવમાં સતત વધારો થઈ રહ્યો છે. આંતરરાષ્ટ્રીય બજારમાં કાચા તેલની કિંમત આજે 118.1 ડોલર પ્રતિ બેરલ પર પહોંચી ગઈ છે.
રશિયા અને યુક્રેન વચ્ચે ચાલી રહેલા યુદ્ધ વચ્ચે કાચા તેલની કિંમતોમાં જબરદસ્ત વધારો નોંધાઈ રહ્યો છે. શનિવાર, 5 માર્ચે, આંતરરાષ્ટ્રીય બજારમાં કાચા તેલની કિંમત બેરલ દીઠ $ 118 થી ઉપર પહોંચી ગઈ છે, જ્યારે 4 માર્ચે, કાચા તેલની કિંમત બેરલ દીઠ $ 111.5 હતી. એટલે કે એક જ દિવસમાં કાચા તેલની કિંમતોમાં લગભગ 7 ડોલરનો વધારો થયો છે. બીજી તરફ, ભારતની મોટી ઓઈલ માર્કેટિંગ કંપનીઓએ 5 માર્ચ માટે દેશભરમાં પેટ્રોલ અને ડીઝલના નવા ભાવ જાહેર કર્યા છે અને આજે પણ ઈંધણના ભાવમાં કોઈ ફેરફાર થયો નથી. તમને જણાવી દઈએ કે આજે દેશમાં પેટ્રોલ અને ડીઝલના ભાવમાં ફેરફાર થયાને 122 દિવસ થઈ ગયા છે.
દેશભરમાં પેટ્રોલ અને ડીઝલના ભાવ 122 દિવસથી સ્થિર છે, જ્યારે ક્રૂડ ઓઈલ જેમાંથી પેટ્રોલ અને ડીઝલ બનાવવામાં આવે છે તેના ભાવમાં સતત વધારો થઈ રહ્યો છે. આંતરરાષ્ટ્રીય બજારમાં કાચા તેલની કિંમત આજે 118.1 ડોલર પ્રતિ બેરલ પર પહોંચી ગઈ છે. જ્યારે ભારતમાં પેટ્રોલ અને ડીઝલની કિંમતો પર ટેક્સ ઘટાડવામાં આવ્યો હતો, તે સમયે ક્રૂડ ઓઈલની કિંમત બેરલ દીઠ $80 આસપાસ હતી. એટલે કે છેલ્લા 4 મહિનામાં પેટ્રોલ અને ડીઝલના ભાવમાં કોઈ ફેરફાર થયો નથી, પરંતુ ક્રૂડ ઓઈલની કિંમતમાં લગભગ $40 પ્રતિ બેરલનો વધારો થયો છે.
oilprice.com પર પ્રાપ્ત માહિતી અનુસાર, WTI ક્રૂડની કિંમત 4 માર્ચે $109.3ની સરખામણીમાં આજે 7.44 ટકા વધીને $115.7 થઈ ગઈ છે. બીજી તરફ બ્રેન્ટ ક્રૂડના ભાવમાં પણ મોટો ઉછાળો આવ્યો છે. બ્રેન્ટ ક્રૂડની કિંમત પણ 6.93 ટકા વધીને $118.1 પર પહોંચી ગઈ છે, જ્યારે 4 માર્ચે તેની કિંમત $111.5 પર આવી ગઈ હતી.
