मनिला : फिलिपाइन्समध्ये या वर्षी अल नीनो (El Nino) च्या प्रभावामुळे पुढील वर्षीच्या पिक हंगामात साखर उत्पादनात १५ टक्क्यांपर्यंत घसरण होईल अशी शक्यता वर्तविण्यात आली आहे. युनायटेड शुगर प्रोड्यूसर्स फेडरेशनचे (युनिफेड) अध्यक्ष मॅन्युअल लामाता यांनी सांगितले की, एल निनो जर गंभीर असेल तर साखर उत्पादनात १० ते १५ टक्क्यांपर्यंत घसरण होवू शकते. ही घसरण १,८०,००० ते २,००,००० मेट्रिक टनापर्यंत असू शकेल. जर अल निनो हलक्या स्वरुपात असले तर उत्पादनातील घसरण पाच टक्के राहू शकेल. अल निनोचा परिणाम वर्षाच्या उत्तरार्धात सुरू होईल. त्याचा परिणाम पुढील पिक हंगामातील ऊसाची लागवड आणि उत्पादनावर होईल. मॅन्युअल लामाता यांनी पुढील पिक हंगामासाठी १.६ मिलियन मेट्रिक टन साखर उत्पादनाचे अनुमान वर्तवले आहे, जे गेल्यावर्षीच्या १.८ मिलियन मेट्रिक टनाच्या तुलनेत २,००,००० मेट्रिक टनाची घसरण दर्शवते.
लामाता यांनी सांगितले की, शुगर नियामक प्रशासनाला (एसआरए) स्थानिक उत्पादनाच्या आपल्या यादीला अंतिम रुप देण्याची गरज आहे. यामध्ये देशातील साठा वाढविण्यासाठी अतिरिक्त स्वीटनर आयात करणे गरजेचे आहे की नाही याची माहिती मिळेल. एसआरए बोर्डाचे सदस्य आणि प्लांटर्सचे प्रतिनिधी पाब्लो लुइस अजकोना यांनी सांगितले की, अल निनोचा प्रभाव पुढील हंगामात जाणवेल. पुढील हंगाम सप्टेंबर महिन्यात सुरू होईल. ते म्हणाले की, जर दुष्काळ असेल तर आम्ही सिंचन करू शकणार नाही. त्यातून उत्पादन कमी होईल. या पिक वर्षात ऊसाची तोडणी लवकरात लवकर सुरू केल्याने साखर उद्योग आधीच १० टक्के नुकसानीचा सामना करीत आहे. हे पिक वर्ष मे महिन्याच्या सुरुवातीला समाप्त होईल.
