સુગરકેન મંત્રી સુરેશ રાણાએ ઉત્તર પ્રદેશ વિધાનસભામાં જણાવ્યું હતું કે ભારતમાં આ વર્ષે કુલ ખાંડ ઉત્પાદનમાં ઉત્તર પ્રદેશનો હિસ્સો 38 ટકા હતો જે અત્યારસુધીનો સૌથો મોટો હિસ્સો છે.
તેમણે કહ્યું હતું કે આ એટલા માટે શક્ય બન્યું છે કારણ કે રાજ્ય સરકારે એરિયર્સની બાકી રકમ વ્યવસ્થિત રીતે મંજૂર કરી હતી.
સ્થગિત ગતિવિધિનો જવાબ આપતા રાણાએ જણાવ્યું હતું કે છેલ્લાં કેટલાંક વર્ષોમાં શેરડીનું ઉત્પાદન રાજ્યમાં વધ્યું છે કારણ કે સરકાર ખેડૂતો પ્રત્યે સંવેદનશીલ હતી અને તે પદ્ધતિસરના તબક્કામાં તેમના બાકી રકમ વ્યવસ્થિર અને સુયોજિત રીતે ક્લીઅર કરતી હતી.
આ વર્ષે શેરડી પાકના વિસ્તારમાં વધારો કેમ થયો છે.તે જાણવા માટે રોકેટ વિજ્ઞાનની જરૂર નથી.ખેડૂતોએ શેરડીના વાવેતર અને પાકને પસંદકર્યો છે કારણ કે તેમની પેદાશોની સારી કિંમત મળી રહી છે. આ અગાઉના શાસનકાળ દરમિયાન આવું થયું નથી. આમ, કુલ ખાંડના ઉત્પાદનમાં યુપીનો હિસ્સો વધીને 38 ટકા થયો છે, જે એક રેકોર્ડ છે.
કૉંગ્રેસના વિધાનસભા પક્ષના નેતા અજય કુમાર લલ્લુએ રજૂ કરેલા મુદ્દાના જવાબમાં રાણાએ જણાવ્યું હતું કે 2014-15માં 13,333 કરોડ રૂપિયા ગ્રીનબેરી તરીકે ચૂકવવામાં આવ્યા હતા, 2015-16માં રૂ .16,101 કરોડ ચૂકવ્યા હતા તેમણે જણાવ્યું હતું કે વર્ષ 2016-17 માં 23,517 કરોડના કેન એરીયર્સ ચૂકવી દીધા હતા , જ્યારે સરકારે વર્ષ 2017-18 માં કેન એરીયર્સ બાકીના રૂ. 25,125 કરોડ ચૂકવ્યા છે.
ભારતીય જનતા પાર્ટીના શાસનમાં શેરડીની બાકી રકમની ક્લિયરિંગમાં એક વ્યવસ્થિત સુધારો થયો છે. પૂરક બજેટમાં પણ સરકારે શેરડીના બાકી રકમના સંગ્રહ માટે રૂ .5,535 કરોડની ફાળવણી કરી છે.જોકે મંત્રીના જવાબથી કોંગ્રેસ સંતુષ્ટ થઇ ન હતી અને કોંગ્રેસના સભ્યોએ વોકઆઉટ કર્યું હતું.
