सांगली : राजारामबापू पाटील सहकारी साखर कारखाना कार्यस्थळावरील श्रीराम मंदिरात भक्तिमय वातावरणात श्रीराम जन्मोत्सव साजरा करण्यात आला. सांगली जिल्हा परिषदेचे माजी अध्यक्ष, कारखान्याचे संचालक देवराज पाटील व सुप्रिया पाटील या उभयतांच्या हस्ते आरती करण्यात आली. कारखान्याचे अध्यक्ष प्रतीक पाटील यांच्यासह भाविक उपस्थित होते. संतोष जोशी यांनी सोहळ्याचे पौरोहित्य केले.
सकाळी अमरापूर येथील हरिभाऊ महाराज यांचे कीर्तन झाले. देवराज व सुप्रिया पाटील यांच्या हस्ते आरती करण्यात आली. पुष्पलता खरात, प्रताप पाटील, विठ्ठल पाटील, रघुनाथ जाधव, बबनराव थोटे, शैलेश पाटील, रमेश हाके, रामराव पाटील, अतुल पाटील, अमरसिंह साळुंखे, बाळासाहेब पाटील, कार्यकारी संचालक आर. डी. माहुली, डी. एम. पाटील, शंकरराव भोसले, तानाजीराव खराडे, मनोहर सन्मुख, विकास पवार, प्रेमनाथ कमलाकर, महेश पाटील, संदीप कदम आदी उपस्थित होते. सायंकाळी इस्लामपूर येथील गीत रामायण महिला भजनी मंडळाचे भजन झाले.
