डोईवाला : डोईवाला सहकारी ऊस विकास समितीकडून येथील ऊस उत्पादक शेतकऱ्यांना एसएमएसद्वारे तोडणी पावती पाठवली जात आहे. त्यासाठी शेतकऱ्यांनी समितीकडे दिलेले आपले नंबर तपासून पाहावेत असे आवाहन करण्यात आले आहे.
डोईवाला सहकारी ऊस विकास समितीचे सचिव गजेंद्र सिंह चौहान यांनी सांगितले की, ऊस उत्पादक शेतकऱ्यांना त्यांच्या ऊस तोडणीची सूचना मोबाईलवर एसएमएसद्वारे दिली जात आहे. ज्या ऊस उत्पादक शेतकऱ्यांनी आपले मोबाईल क्रमांक ऊस विकास समितीकडे दिलेले नाहीत, त्यांनी तातडीने समितीच्या कार्यालयात आपले क्रमांक नोंदवावेत. ज्या शेतकऱ्यांना नंबर जुने अथवा चुकीचे आहेत, त्यांनीही यात बदल करुन घ्यावेत. शेतकऱ्यांनी आपल्या मोबाईलच्या एसएमएसच्या इनबॉक्समध्ये पुरेशी जागा ठेवावी. अनेकवेळा अशा समस्येमुळे शेतकऱ्यांना वेळेवर मेसेज पोहोचत नाहीत. त्यामुळे त्यांना योग्य माहिती मिळत नाही. अशातच हे संदेश २४ तासात डिलिट होतात.
