मुंबई : रिलायन्स इंडस्ट्रीज लिमिटेडची फास्ट-मूव्हिंग कंझ्युमर गुड्स (FMCG) शाखा असलेल्या रिलायन्स कंझ्युमर प्रोडक्ट्स लिमिटेड (RCPL) ने मंगळवारी यूएईमध्ये भारतीय लेगसी ब्रँड कॅम्पा लाँच केला. जगातील सर्वात मोठ्या फूड अँड बेव्हरेज (F&B) सोर्सिंग इव्हेंट GulFood 2025 मध्ये ही घोषणा करण्यात आली. कंपनीने एका प्रसिद्धीपत्रकात म्हटले आहे की, संयुक्त अरब अमिरातीमध्ये आरसीपीएलने पहिले दमदार पूल टाकले आहे.
2022 मध्ये कॅम्पा कोला विकत घेतल्यापासून आणि 2023 मध्ये ते भारतात पुन्हा सादर केल्यापासून, आरसीपीएलने 1970 आणि 1980 च्या दशकात भारतात कल्ट दर्जा असलेल्या हेरिटेज ब्रँडचे यशस्वीरित्या पुनरुज्जीवन केले आहे.कँपा कोला यूएईमध्ये भागीदार अगथिया ग्रुपसह लाँच केले जात आहे. अगथिया ग्रुप पीजेएससी ही अबू धाबीमधील एक आघाडीची अन्न आणि पेय कंपनी आहे. 2004 मध्ये स्थापन झालेली ही कंपनी अबू धाबी सिक्युरिटीज एक्सचेंज (एडीएक्स) मध्ये सूचीबद्ध आहे आणि तिचे चिन्ह “अगथिया” आहे.
रिलायन्स कंझ्युमर प्रॉडक्ट्स लिमिटेडचे सीओओ केतन मोदी म्हणाले, 50 वर्षांपूर्वी स्थापन झालेल्या कॅम्पा या ब्रँडसह युएई बाजारात प्रवेश करण्याची आम्हाला उत्सुकता आहे. आम्ही दीर्घकालीन गुंतवणूक करत आहोत. ग्राहकांना परवडणाऱ्या किमतीत नाविन्यपूर्ण आणि जागतिक दर्जाची उत्पादने वितरित करण्याचा आमचा ट्रॅक रेकॉर्ड आहे. ते म्हणाले, कॅम्पा हे फक्त एक पेय नाही; ते एका वारशाचे पुनरुज्जीवन आहे, आम्हाला खात्री आहे की ते युएईमधील सर्व ग्राहकांमध्ये एक नवीन लाट आणेल.
या भागीदारीबद्दल भाष्य करताना अग्थियाचे मुख्य कार्यकारी अधिकारी अॅलन स्मिथ म्हणाले, कॅम्पा कोला युएईमध्ये आणण्यासाठी रिलायन्स कंझ्युमर प्रोडक्ट्ससोबत भागीदारी करण्यास आम्हाला खूप आनंद होत आहे. या प्रतिष्ठित ब्रँडसोबत अनेकांच्या जुन्या आठवणी आहेत आणि आम्हाला विश्वास आहे की ते युएईमधील महत्त्वपूर्ण भारतीय प्रवासी समुदायासोबत आणि स्थानिक ग्राहकांसोबतही दृढपणे जुळेल. कंपनीने प्रसिद्धीपत्रकात म्हटले आहे की, कॅम्पा पोर्टफोलिओमध्ये सुरुवातीला कॅम्पा कोला, कॅम्पा लेमन आणि कॅम्पा ऑरेंज आणि कोला झिरो यांचा समावेश असेल.
